Azərbaycan Kuboku: "Qarabağ" və "Neftçi"nin rəqibləri məlum olur
Bu gün futbol üzrə Azərbaycan Kubokunda 1/4 final mərhələsinin son iki cavab görüşü keçiriləcək.
Qarşılaşmalardan biri Bakıda, digəri Qəbələdə təşkil olunacaq.
Əvvəlcə "Qəbələ" "Sumqayıt"ı qəbul edəcək. İlk matçda "qırmızı-qaralar" səfərdə 1:0 hesablı qələbə qazanıblar. Premyer Liqada işləri heç də yaxşı getməyən "gənclik şəhəri" təmsilçisi üçün bu oyun avrokubok yolunda son şans sayıla bilər. Səfər öncəsi komandanın baş məşqçisi Aleksey Baqa yarımfinala adlama imkanlarını kifayət qədər yüksək qiymətləndirib. İki görüşün nəticəsində qalib olacaq kollektivi yarımfinalda "Qarabağ"la daha ağır sınaq gözləyəcək.
Paytaxtdakı "ASCO Arena"da isə "Səbail" "Zirə"ni qəbul edəcək. İlk oyunda Rəşad Sadıqovun komandası 4:0 hesabı ilə qalib gəldiyindən, bugünkü meydan sahiblərinin belə ağır məğlubiyyətin əvəzini çıxacağı inandırıcı görünmür. Cütün qalibi yarımfinalda "Neftçi"yə rəqib olacaq.
13 fevral (bazar)
Azərbaycan Kuboku
1/4 final, cavab görüşləri
15:00. “Qəbələ” – “Sumqayıt”
Hakimlər: Kamal Umudlu, Rəhman İmami, Vüsal Məmmədov, Fərid Hacıyev
Hakim-inspektor: Feyzulla Feyzullayev
AFFA nümayəndəsi: Mübariz Hüseynov
Qəbələ şəhər stadionu
İlk oyun - 1:0
18:00. “Səbail” – “Zirə”
Hakimlər: Əliyar Ağayev, Cavanşir Yusifov, Müslüm Əliyev, Rauf Cabarov
Hakim-inspektor: Əmrah İbrahimov
AFFA nümayəndəsi: Maşallah Əhmədov
“ASCO Arena”
İlk oyun - 0:4
Qeyd edək ki, ilk iki yarımfinalçıdan "Qarabağ" "Keşlə"ni (1:0, 6:0), "Neftçi" isə "Sabah"ı (1:1, 3:1) üstələyib.
-
"Prezident Kuboku 2024"ün bağlanış mərasimi keçirilib
...
-
Azərbaycan “Prezident Kuboku 2024” beynəlxalq reqatasını doqquz medalla başa vurub - FOTOLAR
...
-
Fərid Qayıbov: "Əminəm ki, növbəti Olimpiya Oyunlarına lisenziya qazanan avarçəkənlərimizin sayı daha çox olacaq"
...
-
“Prezident Kuboku 2024”: ikinci gündə üç medal - FOTOLAR
...
-
"Prezident Kuboku-2024" beynəlxalq reqatasında ikinci günə start verildi
...
-
Azərbaycanın minifutbol millisi beynəlxalq turnirin qalibi oldu
...
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...
-
"DreamLand" qolf akademiyasında "Lexus Trophy 2024" turniri keçirilib
...