Konfrans Liqası: "Qarabağ" bu gün "Marsel"lə cavab oyununa çıxacaq
"Qarabağ" bu gün UEFA Konfrans Liqasının pley-off mərhələsində cavab oyununa çıxacaq.
Qurban Qurbanovun baş məşqçi olduğu komanda Fransanın "Marsel" klubunu qəbul edəcək. Tofiq Bəhramov adına Respublika stadionunda oynanılacaq görüş saat 21:45-də başlayacaq. Matçın baş hakimi polşalı Bartoş Frankovski olacaq.
Marseldəki ilk oyunda rəqibinə 1:3 hesabı ilə uduzan Ağdam klubu mərhələni keçmək üçün ən azı 3 top fərqi ilə qalib gəlməlidir. Səfər qolu qaydası ləğv olunduğundan, iki matçın nəticəsinə əsasən qeydə alına biləcək mümkün heç-heçə qarşılaşmanın əlavə vaxta və ehtiyac yaranarsa, penaltilər seriyasınadək uzanmasına səbəb olacaq.
"Qarabağ"da Xayme Romero və Şahruddin Məhəmmədəliyev zədə səbəbindən meydana çıxa bilməyəcək. Qonaqların heyətində isə itki yoxdur.
"Marsel"lə oyun "köhlən atlar" üçün bir sıra yubileylərlə əlamətdar olacaq. Bu, Azərbaycan təmsilçilərinin Konfrans Liqasında 20-ci görüşü kimi tarixə düşəcək. "Qarabağ"ın yarımmüdafiəçisi Abdullah Zubir həmyerlilərinə qarşı matçda meydana çıxsa, bu, fransalı futbolçunun avrokuboklardakı 50-ci oyunu olacaq. Həmçinin ağdamlılar bu qarşılaşmada fərqlənməklə, beynəlxalq arenada 150-ci qolunu vura bilər. Hazırda komandanın aktivində 149 qol var.
UEFA Konfrans Liqası, pley-off mərhələsi
Cavab oyunu
24 fevral
21:45. "Qarabağ" (Azərbaycan) - "Marsel" (Fransa)
Hakimlər: Bartoş Frankovski, Martsin Bonek, Yakub Vinkler, Kjiştof Yakubik (hamısı Polşa)
Tofiq Bəhramov adına Respublika stadionu
İlk oyun - 1:3
-
Azərbaycan Premyer Liqasının son iki turunda əcnəbi hakimlər
...
-
AFFA lisenziya alan klubların adlarını açıqladı
...
-
Bilyard üzrə Azərbaycan çempionatının qalibləri bəlli olub
...
-
AFFA Premyer Liqada klub sayı ilə bağlı qərar verdi
...
-
Final seriyasının təqvimi açıqlandı
...
-
AKAF “PUSH-30” ilə əməkdaşlığa başladı - Fotolar
...
-
ABF rəsmiləri FİBA-nın assambleyasında iştirak ediblər
...
-
Mariya Stadnik tarix yazdı
...
-
Beynəlxalq Ağırlıqqaldırma Federasiyasının prezidenti Bakıya gəlib - FOTO
...
-
Sabiq icra başçısının oğluna yüksək vəzifə verildi
...