Azərbaycanın cüdo millisinə yeni baş məşqçi təyin olunub

09:26 28-02-2022 | 1814

Azərbaycan Cüdo Federasiyası (ACF) milli komandanın idarəçiliyində struktur və vəzifə dəyişikliyi edir.

Yeni yaradılacaq performans direktoru və kişilərdən ibarət yığmanın baş məşqçisi postuna iki xarici mütəxəssis cəlb edilib.

Performans direktoru vəzifəsinə niderlandlı mütəxəssis Mark van de Ham, kişilərdən ibarət komandanın baş məşqçi vəzifəsinə almaniyalı Riçard Trautman dəvət alıb. Hər iki mütəxəssis martın 1-də vəzifələrinin icrasına başlayacaq.

Qeyd edək ki, Mark van der Ham məşqçilik fəaliyyətinə 2006-cı ildə Rotterdam klubunda başlayıb. 44 yaşlı mütəxəssis 2012 - 2016-cı illərdə ölkəsinin yığma komandasında məşqçi və baş məşqçi kimi çalışıb. Mark van der Ham 2017-ci ildə Belçikanın gənclərdən ibarət komandasının baş məşqçisi kimi fəaliyyətə başlayıb, 2018-ci ildə böyüklərdən ibarət millinin, 2020-ci ildə isə bütün yığmaların baş məşqçisi təyin edilib.

Riçard Trautman 1992 və 1996-cı illərdəki Yay Olimpiya Oyunlarında bürünc medal qazanıb.