Afət Fərmanqızı axtarışa verildi

15:45 13-05-2022 | icon 391
Afət Fərmanqızı axtarışa verildi
loading...

Müğənni Afət Fərmanqızı barəsində axtarış elan olunub.

O, uzun müddətdir cavabdeh olduğu məhkəmə prosesinə gəlmədiyi barəsində müvafiq qərar çıxarılıb. Belə ki, bu gün Binəqədi rayon Məhkəməsində Xalq artisti Flora Kərimovanın müğənni Afət Fərmanqızı barəsində xüsusi ittiham qaydasında verdiyi şikayətlə bağlı növbəti iclas keçirilib. F.Kərimovanın vəkili Xavər Məmmədova Afət Fərmanqızının məhkəməyə məcburi qaydada gətirilməsinə dair vəsatət verib. A.Fərmanqızı bir neçə prosesdir məhkəməyə gəlmədiyi üçün vəsatət təmin olunub və onun barəsində həbs nəzərdə tutulmadan axtarış elan olunub.

 

Müğənni məhkəməyə gətirilənə qədər iş üzrə icraat dayandırılıb.

Qeyd edək ki, Flora Kərimova Afət Fərmanqızını Cinayət Məcəlləsinin 147.2-ci maddəsi (ağır və ya xüsusilə ağır cinayətdə ittiham etməklə böhtan atma) ilə ittiham edib. İttiham sübuta yetirilərsə, Afət Fərmanqızını 3 ilədək həbs cəzası gözləyir.


Digər xəbərlər

0.17277002334595