Prezident Özbəkistana getdi - Fotolar 

14:53 21-06-2022 | icon 1127
Prezident Özbəkistana getdi - Fotolar 

Azərbaycan Prezidenti İlham Əliyev iyunun 21-də Özbəkistana dövlət səfərinə gedib.

Hər iki ölkənin dövlət bayraqlarının dalğalandığı İslam Kərimov adına Daşkənd Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülüb.

 

Prezident İlham Əliyevi Özbəkistanın Baş naziri Abdulla Aripov və digər rəsmi şəxslər qarşılayıblar.

 

Prezidenti İlham Əliyevin Daşkənddəki “Kuksaroy” dövlət iqamətgahında rəsmi qarşılanma mərasimi olub. Azərbaycan Prezidentinin şərəfinə fəxri qarovul dəstəsi düzülüb. Özbəkistan Prezidenti Şavkat Mirziyoyev Azərbaycan Prezident İlham Əliyevi qarşılayıb. İki ölkənin Dövlət himnləri səslənib.

Daha sonra fəxri qarovul dəstəsinin rəisi Azərbaycan Prezidentinə raport verib. İlham Əliyev Özbəkistan əsgərlərini salamlayıb. Prezidentlər fəxri qarovul dəstəsinin qarşısından keçiblər.

 

 

Digər xəbərlər

0.28710389137268