Kredit kartı almaq üçün gəliriniz nə qədər olmalıdır? – CƏDVƏL

11:01 29-03-2017 | 7479

Kredit (taksit) kartı sifariş vermək üçün bankların müştəridən tələb etdiyi minimum gəlirin miqdarı üzrə sıralamanı təqdim edirik.

Oxu.Az xəbər verir ki, bu siyahıda gəlirin növü və digər şərtlər ilə də tanış ola bilərsiniz.

Əvvəldən qeyd etmək vacibdir ki, kartın verilməsi zamanı müştərinin digər kredit öhdəlikləri, həmçinin hər hansı bir kredit üçün zamin olub-olmadığı da xüsusi əhəmiyyət kəsb edir. Bu kredit məhsulu üçün bəzi banklarda zamin də tələb edilir.

Sorğu nəticəsində məlum olub ki, kommersiya banklarının demək olar ki, yarısında, yəni 15 bankda kredit kartı məhsulu təklif edilir.

Tələb olunan minimum gəlir isə 100-2000 manat arasında dəyişir. Bəzi banklar yalnız əməkhaqqı alan şəxslərə kredit kartı təklif etdiyi halda, digərləri fərdi sahibkarlara və təqaüdçülərə də bu imkanı təmin edir.

“Azərbaycan Beynəlxalq Bankı”, “PAŞA Bank” və “Kapital Bank”dan kredit kartı almaq üçün isə müştəri həmin bankın əməkhaqqı kartından maaş almalı və ya sahibkar hesabı həmin bankda olmalıdır.

Bundan əlavə, bankların fərqli tələbləri də mövcuddur. Məsələn, “Bank BTB”-dən kredit kartı almaq istəyən təqaüdçünün minimum gəliri 400 manat olmalıdır və s.

Ümumilikdə isə kredit kartı almaq üçün bankların tələb etdiyi minimum gəlir səviyyəsi və əlavə şərtlər aşağıdakı cədvəldə əks etdirilmişdir:

Sıra	Bank	Tələb olunan minimum gəlir	Gəlir növü
1	Kapital Bank ASC	100	Əməkhaqqı, təqaüd
2-3	Expressbank ASC/Smile Card	155	Əməkhaqqı, sahibkarlıq fəaliyyətindən gəlirlər
2-3	Bank BTB ASC	155	Əməkhaqqı, sahibkarlıq fəaliyyətindən gəlirlər, təqaüd
4	Azərbaycan Sənaye Bankı ASC	250	Əməkhaqqı
5	Yapı Kredi Bank Azərbaycan QSC	300	Əməkhaqqı
6	Azər Türk Bank ASC	350	Əməkhaqqı, sahibkarlıq fəaliyyətindən gəlirlər, təqaüd
7-8	Rabitəbank ASC	400	Əməkhaqqı, sahibkarlıq fəaliyyətindən gəlirlər
7-8	Bank of Baku ASC	400	Əməkhaqqı, sahibkarlıq fəaliyyətindən gəlirlər, təqaüd
9	Caspian Development Bank ASC	450	Əməkhaqqı, sahibkarlıq fəaliyyətindən gəlirlər
10-11	Bank Avrasiya ASC	500	Əməkhaqqı, sahibkarlıq fəaliyyətindən gəlirlər, təqaüd
10-11	Expressbank ASC/Expresso	500	Əməkhaqqı, sahibkarlıq fəaliyyətindən gəlirlər
12	Bank Respublika ASC	600	Əməkhaqqı, sahibkarlıq fəaliyyətindən gəlirlər
13	Unibank KB ASC	2000	Əməkhaqqı, sahibkarlıq fəaliyyətindən gəlirlər
14	DəmirBank ASC	Müştərinin ödəniş imkanlarının və öhdəliklərinin təhlilindən sonra fərdi olaraq müəyyənləşdirilir	Əməkhaqqı, sahibkarlıq fəaliyyətindən gəlirlər
15	Azərbaycan Beynəlxalq Bankı ASC	Müştərinin ödəniş imkanlarının və öhdəliklərinin təhlilindən sonra fərdi olaraq müəyyənləşdirilir (Kart yalnız taksit üçün nəzərdə tutulub)	Əməkhaqqı
16	PAŞA Bank ASC	Müştərinin ödəniş imkanlarının və öhdəliklərinin təhlilindən sonra fərdi olaraq müəyyənləşdirilir