Ermənistanın ağılsız davranışları məkrli niyyətlərdən xəbər verir  

13:37 16-09-2022 | icon 295
Ermənistanın ağılsız davranışları məkrli niyyətlərdən xəbər verir
 

Sentyabrın 12-si gecə saatlarından Ermənistan silahlı qüvvələrinin kəşfiyyat-diversiya qrupları dövlət sərhədinin Daşkəsən, Kəlbəcər, Laçın istiqamətlərində ərazi relyefi və dərə boşluqlarından istifadə edərək bölmələrimizin arxasına sızaraq ətrafı, eyni zamanda, təminat yollarını minalamağa cəhd göstəriblər. Şanlı ordumuz Ermənistanın hərbi bölmələrimizə, ümumən, ölkəmizə qarşı ardıcıl təxribatların hansı acı nəticələrə gətirib çıxaracağını bir daha göstərdi.

      Laçının təhvil verilməsi isə Ermənistan hakimiyyəti üçün növbəti ağır zərbə oldu və beləliklə, daxil təzyiqləri neytrallaşdırmaq, ictimai rəyi dəyişmək üçün növbəti hərbi-siyasi avantüraya başladı. Artıq Ermənistan hakimiyyəti imzalanmış razılaşmalara əməl etmək kimi bir məcburiyyət qarşısında qalması fonunda, ölkəsindəki narazı müxalifət qüvvələrini sakitləşdirmək də istəyir və bu məqamda prosesləri, ələlxüsus sülh müqaviləsi məsələsini uzatmaqla nəyə isə nail olmağa çalışır. Elə 2020-ci ilin Tovuz hadisələrində də danışıqlar prosesinə mane olmaq, məsələni uzatmaq niyyəti də var idi. Amma eyni ilə gözlədiklərinin əksi olaraq, heç bir müdaxilə olmadı və ermənilərə məğlubiyyətlərini seyr etmək qaldı. Bu dəfə də heç bir beynəlxalq təşkilat müdaxilə etmədi və təxribatı törədənlər iki il əvvəl olduğu kimi, bunun acısını dadmalı oldular.

Erməni siyasətinin hiyləgərliyi göz önündədir. Baş vermiş təxribat və Ermənistanın siyasi-hərbi rəhbərliyinin bütün digər təxribatları Avropanın enerji təhlükəsizliyin təmin olunmasında Azərbaycanın rolunun azaldılmasına hesablanıb. Onların nümayiş etdirdiyi bu ağılsız davranışlar məkrli niyyətlərini həyata keçirmək üçün göstərdikləri son çabalamalar kimi də qiymətləndirilə bilər. Bu xain xislətlilərin sülhə mane olmaq üçün üzərlərinə götürdükləri öhdəlikləri hər vəchlə yubatmağa çalışmaları, dövlət sərhədlərimizi atəşə tutmaları, ərazilərimizə mina basdırmaları, bir sözlə, təxribatçı əməlləri buna misaldır. 

       Azərbaycan hər zaman öz milli maraq və mənafelərini qətiyyətlə təmin edir. Ermənistanın ölkəmizə qarşı növbəti təxribatından sonra 44 günlük Vətən müharibəsində "dəmir yumruq" sayəsində düşməni qarşısında diz çökdürərək yalvarmağa məcbur etməsi buna bariz nümunədir. 

       Onu da qeyd etmək önəmlidir ki, ordumuzun beynəlxalq standartlara uyğun daha da gücləndirilməsi, modernləşdirilməsi prioritet olaraq qalır. Bu baxımdan qardaş Türkiyə Respublikası ilə birgə təlimlər vasitəsilə bu sahədə əməkdaşlığın genişləndirilməsi mühüm strateji əhəmiyyətə malikdir.
2013-cü ildən başlayaraq Azərbaycan və Türkiyə Silahlı Qüvvələri arasında birgə hərbi təlimlərin keçirilməsi iki ölkənin ordularının döyüş qabiliyyətinin artırılması, müxtəlif qoşun növlərinin qarşılıqlı fəaliyyətinə nail olmaq baxımından böyük əhəmiyyət kəsb edir.

Emil Şəmmədov,

Cəlilabad Rayon İcra Hakimiyyətinin əməkdaşı,

Vətən  müharibəsinin  qazisi


Digər xəbərlər

0.18950986862183