“Neftçi İdman Klubu”nun təmsilçiləri ilin birinci rübündə 181 medala sahib olublar

23:54 04-04-2023 | 949

"Neftçi İdman Klubu”nun yetirmələri həmişə olduğu kimi, bu il də müxtəlif yarışlarda uğurlu çıxışlarını davam etdirməkdədirlər.

İdmançılar ilin ilk üç ayı ərzində ölkədaxili və beynəlxalq səviyyəli yarışlarda böyük əzmkarlıq nümayiş etdirərək 79-u qızıl, 48-i gümüş və 54-ü bürünc olmaqla, ümumilikdə 181 medal qazanıblar. Atletlərimiz dünya yarışlarında 1 (1 gümüş), Avropa yarışlarında 11 (7 qızıl, 1 gümüş, 3 bürünc), beynəlxalq turnirlərdə isə 29 medala (11 qızıl, 7 gümüş, 11 bürünc) yiyələniblər. Respublika yarışlarında 75 dəfə fəxri kürsüdə yer alan (33 qızıl, 18 gümüş, 24 bürünc) təmsilçilərimiz, paytaxt yarışlarında 22 (12 qızıl, 6 gümüş, 4 bürünc), digər yarışlarda isə 43 medala (16 qızıl, 15 gümüş, 12 bürünc) sahib olublar.