“7 ildir kef edirlər, kinoçular da itin günündə yaşayırlar”
Xalq artisti, kinorejissor Şeyx Əbdül Mahmudbəyov Azərbaycan kinosunun problemlərini dilə gətirib.
Sənətkar bildirib ki, bir ölkədə iki kino ittifaqı olmamalıdır:
“Söhbət Xalq artisti Rasim Balayevin rəhbərlik etdiyi Azərbaycan Kinematoqrafçılar İttifaqı və Xalq artisti Şəfiqə Məmmədovanın başçısı olduğu Azərbaycan Respublikası Kinematoqrafçılar İttifaqından gedir. Kinonun inkişafı ilə bağlı artıq dövlət proqramı hazırlanır və bu gün bizə əngəl olan problem iki qondarma, yalançı, əsası olmayan ittifaqdır. Mən istəyirəm ki, ya bu ittifaqlar bir araya gəlsin, ya da fəaliyyətləri dayandırılsın. Çünki bir ölkənin iki kino ittifaqı ola bilməz. İttifaqda kino adı ilə alver edirlər, oyun oynayırlar, büdcədən pul alıb xərcləyirlər. Kinostudiya, kinonu yaradanlar qalıblar pis gündə. O ittifaqları heç kinostudiyanın qapısından içəri də buraxmırlar”.
Xalq artistinin sözlərinə görə, Azərbaycan Respublikası Kinematoqrafçılar İttifaqı 7 ildir qeyri-qanuni fəaliyyət göstərir: "İttifaqın nizamnaməsini Şəfiqə Məmmədova seyfdə gizlədib. Çox çətinliklə bir nüsxəsini tapdım. 2012-ci il 21 iyun tarixli Nizamnamədə deyilir ki, ümumi ittifaq ittifaqın ali orqanıdır. Ümumi ittifaqın yığıncaqları zəruri halda tez, amma qanuni halda beş ildən bir keçirilməlidir. Beş ildən gec olmayaraq qurultay keçirilir, orada seçkilər olur.
Demək, həm Şəfiqə xanım, həm də İdarə Heyətinin üzvləri artıq 7 ildir qeyri-qanuni fəaliyyət göstərir. Hətta onların 7 ildir aldığı maaş da ya dövlətə, ya da kinostudiyaya geri qaytarılmalıdır. Aidiyyəti dövlət qurumları, o cümlədən cənab nazir, Dövlət Kino Agentliyi, Ədliyyə Nazirliyi, Hesablama Palatası buna mütləq müdaxilə etməlidir, orada yoxlama aparılmalıdır. Niyə dövlət büdcədən pul ayırır, burada aidiyyəti olmayan insanlar 7 ildir özləri üçün kef edir, kinoçular da itin günündə yaşayırlar?!”(qafqazinfo)
-
Biz də sizinləyik! - FOTOLAR
...
-
Yuli Qusmana “Şərəf” ordeni təqdim edilib - Fotolar
...
-
Məşhur serialda ləvəngidən danışıldı - Video
...
-
Akademik Musiqili Teatrın kollektivi Ulu Öndərin məzarını ziyarət edib
...
-
Məşhurlar Yeni il çıxışları üçün nə qədər qonorar alacaq? - Siyahı
...
-
Eminin anşlaqla keçən Bakı konsertindən - Fotolar
...
-
Musiqili Teatrda qəribə yubiley tamaşası – “Qorxma, biz səninləyik!”
...
-
“Qadınlar yaşlandıqca daha seksual olurlar” - Fotolar
...
-
Ozan Akbaba bu serialda azərbaycanlı iş adamını oynayacaq
...
-
İlham Qasımov Heydər Əliyev Sarayına direktor təyin olundu
...