“Sizi Azərbaycanda çox sevirlər” - Əliyev Ərdoğana

13:55 13-06-2023 | 714

“Türkiyə-Azərbaycan birliyi, qardaşlığı - bu, beynəlxalq faktordur, sabitlik, inkişaf və təhlükəsizlik faktorudur”.

Bu sözləri Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanla keçirilən geniş tərkibdə görüşdə deyib.

Dövlət başçısı bildirib: “Prezident seçkilərində türk xalqının sizə göstərdiyi inam bir daha sizin uzun illər ərzində Türkiyə xalqına göstərdiyiniz xidmətlərə verilən yüksək qiymətdir. Siz bilirsiniz ki, sizi Azərbaycanda çox sevirlər. Siz bizim əziz qonağımızsınız”.

Yeni hökumət üzvlərini də ürəkdən təbrik edən Azərbaycan Prezidenti, həmçinin qeyd edib: “Hər zaman olduğu kimi, bizim görüşlərimiz həm görülən işlərə bir yekun vurur, eyni zamanda, növbəti illərdə görüləcək işlərlə bağlı bir yol xəritəsi cızır. Əminəm ki, bu səfərdə də belə olacaq”.