Hacıqabul rayonunda ali təhsil müəssisələrinə qəbul olan tələbələrlə görüş keçirilib
08 sentyabr 2023-cü il tarixində Hacıqabul rayon İcra Hakimiyyətində yüksək balla ali təhsil müəssisələrinə qəbul olan tələbələrlə görüş keçirilmiş və rayonun ümumtəhsil müəssisələrinin 2022-2023-cü tədris ilində qazandığı uğurlar müzakirə edilmişdir. İlk öncə Rayon İcra Hakimiyyətinin başçısı Rüstəm Xəlilov və tələbə adını qazanmış məzunlar tərəfindən Ümummilli lider Heydər Əliyevin abidəsi ziyarət olunmuşdur.
Daha sonra Rayon İcra Hakimiyyətinin başçısı Rüstəm Xəlilov çıxış edərək tələbə adını qazanmış gəncləri təbrik etdi, onlara təhsildə və gələcək həyatlarında uğurlar arzuladı, yüksək bilikli mütəxəssis olmağı və layiqli vətəndaş kimi yetişməyi tövsiyə etdi. Tədbirdə ölkə başçısı cənab İlham Əliyevin və Birinci vitse-prezident Mehriban xanım Əliyevanın təhsilin inkişafını həmişə diqqətdə saxladığı, həmçinin, bu istiqamətdə mühüm tədbirlərin həyata keçirildiyi vurğulandı.
Qeyd edək ki, 2023-cü ildə Hacıqabul rayonu üzrə 11-ci sinfi bitirən 587 nəfər məzundan 393 nəfəri ali məktəblərə sənəd vermiş, onlardan 240 nəfəri ali məktəblərə qəbul olunmuşdur. Qəbul olunanlardan 22 nəfəri imtahanlarda 500 baldan, 6 nəfəri isə 600 baldan yüksək nəticə göstərmişdir. Bundan əlavə cari ildə əvvəlki illərin məzunlarından 10 nəfəri tələbə adını qazanmışdır.
Tədbirin sonunda qəbul imtahanlarında 600 baldan yuxarı nəticələr əldə edərək fərqlənmiş məzunlara mükafatlar təqdim olunmuşdur.
-
Azərbaycanda media azadlığı təmin edilir
...
-
Beynəlxalq hüququn normaları Azərbaycanın tərəfindədir
...
-
COP29-a ev sahibliyi həm şərəf, həm də məsuliyyət deməkdir
...
-
Ölkəmizin mövcud potensialının təzahürü
...
-
İkitərəfli münasibətlərin bəhrəsi
...
-
Strateji mahiyyəti kəsb edən əlaqələr
...
-
"Qurultay türk dövlətlərinin səhiyyə sistemində müştərək layihələrin həyata keçirilməsinə təkan verəcək" - Birinci Türk Dövlətləri Kardioloji Qurultayının sədri, professor Gülnaz Dadaşova
...
-
Aprelin son günü 32° isti olacaq
...
-
Abşeronda akademik Zərifə Əliyevanın xatirəsi anıldı - Fotolar
...
-
Səttar Möhbalıyev: “Almaniya Azərbaycanın mühüm siyasi-iqtisadi tərəfdaşlarındandır”
...