Hacıqabul rayonunda “Heydər Əliyevin Azərbaycan mədəniyyətinə töhfəsi ” adlı konsert proqramı keçirilib

20:52 18-10-2023 | 799

“Azərbaycan Respublikasında 2023-cü ilin “Heydər Əliyev ili” elan edilməsi ilə bağlı Tədbirlər Planı” nın təsdiq edilməsi haqqında Azərbaycan Respublikası Prezidentinin 2022-ci il 28 noyabr tarixli sərəncamının icrası ilə bağlı 18 oktyabr 2023-cü il tarixində Hacıqabul rayonunda “Heydər Əliyevin Azərbaycan mədəniyyətinə töhfəsi ” adlı konsert proqramı təşkil olunmuşdur.

Tədbirdə Hacıqabul Rayon İcra Hakimiyyətinin başçısı Rüstəm Xəlilov, hüquq-mühafizə orqanlarının, həmçinin rayonun idarə, müəssisə və təşkilatların əməkdaşları, rayon ictimaiyyətinin nümayəndələri iştirak edirdi.

Rayon Mədəniyyət Mərkəzində keçirilən tədbirdə ilk öncə Ümummilli lider Heydər Əliyevin həyatının mühüm məqamlarını əks etdirən videorolik nümayiş etdirildi. Daha sonra tədbir aparıcıları tərəfindən Ulu Öndərin möhtəşəm zəfərimizə hesablanmış parlaq siyasəti və gərgin əməyi barədə tədbir iştirakçılarına məlumat verilib.

Tədbir rayonun mədəniyyət işçilərinin ifasında Ulu Öndərin sevdiyi musiqi şeir və xalq mahnıları ilə davam etdirilib.