Qaradağda şəhidin anım mərasimi keçirildi - Fotolar

15:44 19-10-2023 | 584

Bu gün torpaqlarımızın azadlığı uğrunda gedən döyüşlərdə şəhidlik zirvəsinə yüksəlmiş igidlərimizdən birinin, Sərxoşov Seymur Ramiz oğlunun şəhadətə ucaldığı gündən üç il ötür.

Bununla bağlı keçirilən anım mərasimində Qaradağ Rayon İcra Hakimiyyətinin başçısı Süleyman Mikayılov, şəhidin ailə üzvləri, yaxınları, qazilər, şəhidin hərbiçi yoldaşları, YAP Qaradağ Rayon Təşkilatının sədri Qafar Əliyev, rayonun hüquq mühafizə orqanlarının rəhbərləri, rayon icra hakimiyyəti başçısının müavinləri, şöbə müdirləri və ictimaiyyətin nümayəndələri iştirak ediblər.

Sərxoşov Seymurun və digər şəhidlərin məzarları ziyarət olunub, qəbirüstü abidələri önünə gül dəstələri qoyulub. Daha sonra şəhidin ailəsi ziyarət olunub. Şəhidin valideyinləri dövlət səviyyəsində şəhid ailələrinə göstərilən diqqət və qayğıdan razı olduqlarını bildiriblər.