AMADA-nın icraçı direktoru elm və təhsil sahəsində beynəlxalq əməkdaşlığı genişləndirir
Noyabrın 14-də Azərbaycan Milli Antidopinq Agentliyinin (AMADA) icraçı direktoru Təhminə Tağı-zadə Çexiyanın paytaxtı Praqada Karl Universitetinin Bədən tərbiyəsi və idman fakültəsinin katibi Radim Zelenko ilə görüşüb.
AMADA-nın rəsmisi görüşdə elm və təhsil sahəsində beynəlxalq əməkdaşlığın genişləndirilməsi təşəbbüsü ilə çıxış edib.
Görüşdə idmanda dopinqlə mübarizə sahəsində təhsil siyasəti paradiqmasına yenidən baxılması və uzunmüddətli əməkdaşlığın qurulması imkanları müzakirə olunub.
Müzakirələr zamanı həm Azərbaycan, həm də Çexiya idmançılarının fərdi ehtiyaclarını ödəməyə qadir olan inklüziv təlim mühitinin yaradılmasının vacibliyi vurğulanıb. Tərəfdaşlıq həm idmançıların özlərini, həm də onların yardımçı heyətini (məşqçilər, həkimlər, fizioterapevtlər və s.) əhatə etməklə, təmiz idman sahəsində təhsilin yüksək səviyyədə saxlanmasına və etik dəyərlərin formalaşdırılmasına yönəlib.
Görüşdə antidopinq sahəsində birgə təlim və tədqiqat proqramlarına başlanılması barədə razılıq əldə olunub. Bu əməkdaşlıq Praqadakı Karl Universiteti ilə AMADA arasında təcrübə mübadiləsini nəzərdə tutur ki, bu da təhsil komponentini daha diqqətli və effektiv edəcək.
Görüş Azərbaycan Milli Antidopinq Agentliyinin təhsil siyasətinin yenilənməsi istiqamətində həlledici addımları ifadə etməklə yanaşı, iki ölkə arasında idmanda dopinqdən istifadəyə qarşı birgə mübarizəyə yönəlmiş təlim və tədqiqatlar sahəsində əməkdaşlığı gücləndirəcək.
-
Avarçəkənimiz Paris-2024-ə lisenziya qazanıb
...
-
Daha bir cüdoçumuz Avropa çempionu oldu
...
-
"Reallıq odur ki, "Qarabağ" bir neçə baş üstündür: "Neftçi"dən çempionluq gözləmək absurd olardı"
...
-
FIFA prezidenti “Qarabağ”ı təbrik etdi
...
-
15 mindən çox iştirakçı Bakı Marafonuna qoşuldu
...
-
Ölkə idmanında növbəti tarixi uğur - Hidayət Heydərov 4 qat Avropa Çempionudur!
...
-
“Qarabağ” finalda meydan sahibi olacaq
...
-
Klub rəsmisi: "Gələn mövsüm iddiasız çıxış edəcəyik"
...
-
Azərbaycanlı avarçəkən Türkiyədə iki medal qazandı - Video
...
-
Bakıdakı o görüşün hakimləri cəzalandırıldı - Video
...