Sumqayıtda basketbol bayramına start verilib

21:46 17-11-2023 | icon 1983
Sumqayıtda basketbol bayramına start verilib

17 noyabr Sumqayıt Olimpiya İdman Kompleksində Azərbaycan Basketbol Liqasının (ABL) 4 -cü turunun açılış oyunu və günün ikinci oyunu baş tutub.

Açılış oyununda Xaçmaz təmsilçisi "NTD-INDIGO", "Xəzri" klubu ilə qarşılaşıb. Oyuna üstün başlayan "NTD-INDIGO" yekunda rəqibi üzərində 86-71 hesablı qələbəyə sevinib. Ən məhsuldar basketbolçular: "NTD-INDIGO" (Brendon Votkins - 22 xal, 11 ribaund), "Xəzri" (Ceremi Maklaflin - 17 xal, 4 ribaund)

Günün ikinci oyununu izləyənlər arasında Gənclər və İdman naziri Fərid Qayıbov və onun müvani Mariana Vasileva, həmçinin "Neftçi" futbol klubunun icraçı direktoru Fərrux Mahmudov, "Sumqayıt" klubunun prezidenti Riad Rəfiyev də olub.

Qarşılaşmaya üstün başlayan "Neftçi", ev sahibi üzərində 90-73 hesablı qələbə qazanıb. Ən məhsuldar basketbolçular: "Sumqayıt" (Smit Roderik - 22 xal, 9 ribaund ), "Neftçi" (Kamran Məmmədov - 21 xal, 4 asist)


Qeyd edək ki, 4 -cü turun növbəti oyunları ("Gəncə" - "Xırdalan", "Şəki" - "Cəlilabad", "Sabah" - "Sərhədçi") 18 və 19 noyabr tarixlərində baş tutacaq.

Digər xəbərlər

0.23904991149902