“Təhminə”nin üç paltarına 3 min dollar vermişdim” - Rəsul Quliyev - Video
Milli Məclisin sabiq sədri, uzun müddətdir ABŞ-də yaşayan Rəsul Quliyev “Təhminə” filminin çəkilişlərində yaşanan maraqlı anlarla bağlı xatirələrini bölüşüb.
Filmdə adı prodüser kimi keçən eks-spiker bu barədə Musavat TV-yə danışıb. O, filmin bütün maliyyəsini özünün qarşıladığını açıqlayıb.
R. Quliyev Təhminə rolunu canlandıran türkiyəli aktrisa Meral Konratı Fəxrəddin Manafovla çəkilməyə özünün razı saldığını deyib:
“Rasim Ocaqov “Zaur” obrazı üçün aktyor axtarırdı. Mənə dedi ki, Fəxrəddin Manafovu bu rola çəkmək istəyir. Dedim, a kişi, sən nə danışırsan?! Təhminə ondan uzundur. O dedi ki, sən narahat olma, biz onu bilirik, ayağının altına bir kərpic qoyacağıq, düzələcək. Dedim, özün bilərsən, məncə, Fəxrəddin artist kimi yaxşıdır, amma onu nəzərə almaq lazımdır.
Rasim Ocaqov Leninqraddan suriyalı tapdı. Şəklini mənə göstərəndə dedim, hə, bunun boyu da yaxşıdır, yarayır. Bunu çəkdi. Sonra günlərin bir günü mənə zəng edib dedi ki, suriyalını qovmaq istəyir. Dedim, niyə qovmaq istəyirsən, nə vaxtdır, çəkilişlər gedir. Dedi ki, Meralla onların arasında məhəbbət yaranıb və bu, çəkilişə mane olur. Meral isə buna razılıq verməyib, deyib ki, belə olsa, filmdə oynamayacaq. Meralla danışıb razı salmağımı xahiş etdi. Onunla da görüşdüm və dilə tutmağa çalışdım. Meral bildirdi ki, öpüş səhnəsinə 10-15 dəfə təkrar çəkilib və artıq eyni səhnələri çəkmək istəmir. Dedim, Rasim müəllimdən xahiş edəcəyəm, həmin səhnə 2 dəfə çəkilsin. O, bununla razılaşdı. Rasim Ocaqov da filmin yarısını tamamlamasına baxmayaraq, yenidən Fəxrəddini həmin obraz üçün çağırdı”.
R. Quliyev, həmçinin M. Konrata Türkiyədən geyimlər aldığını bildirib: “Mən İstabula işlə əlaqədar gedirdim. Rasim Ocaqov dedi ki, bəlkə, orada mağazalardan Təhminə üçün paltar alasınız? Meral məni brend paltarlar olan yerə apardı, 3 bahalı paltar seçdi, pulunu verdim. Filmin maliyyəsi mənə aid idi. O maliyyəni mən ödəməsəydim, film indi də yox idi. O 3 paltar 3 min dollar tutdu…”
Həmin görüntüləri təqdim edirik:
-
Azərbaycanda “Arap Kadri” Türk komediyasının nümayişi başlayır
...
-
Azərbaycanın səslərini Aysel açıqlayacaq
...
-
Azərbaycanda yeni radio fəaliyyətə başlayır
...
-
Belarus Kino Günlərinin açılışı olub
...
-
“Şuşaya qayıdırıq” - Video
...
-
“Arka sokaklar”dan buna görə çıxıbmış
...
-
“Arşın mal alan” və “Leyli və Məcnun” ilk dəfə Cenevrədə - Fotolar
...
-
Musiqili Teatrda Lütfəli Abdullayevin xatirəsi yad olunub
...
-
“Güneşi söndürmem gerek” romantik dramı “CineMastercard” kinoteatrında
...
-
Xalçalarımız Qazaxıstanda Novruz festivalında - Tokayev də iştirak edib
...