Antiazərbaycançı qərəzli siyasət iflasa məhkumdur

        Prezident İlham Əliyevin Azərbaycan həqiqətlərinin dünya ictimaiyyətinə çatdırılması işində fədakar xidmətləri xalqımıza layiqli töhfə olmuşdur. Bunun nəticəsidir ki, hər bir Azərbaycan vətəndaşı dövlətimizin siyasətinin həyata keçirilməsində milli həmrəylik nümayiş etdirir. Vətən müharibəsində də  xalqımız hər gün öz rəhbərinin yenilməz qətiyyətinə, siyasi iradəsinə şahidlik etdi. Məhz Prezident İlham Əliyevin ortaya qoyduğu nümunə xalqımızı bu müharibədə qələbəyə ruhlandırdı. Dövlət başçısının vətənpərvərliyi xalqımızı torpaqlarımızın azadlığı uğrunda mübarizədə həmrəy etdi. Ali Baş Komandan İlham Əliyevin qətiyyəti, ilk gündən nümayiş etdirdiyi hərbi-siyasi əzmi hər bir azərbaycanlını öz rəhbərinin ətrafında daha sıx birləşdirdi.   

        Bizim Qələbimiz Prezident İlham Əliyevin dün¬ya miqyaslı lider kimi apardığı qətiyyətli, hərtərəfli, uzaqgörən siyasətinin məntiqi nəticəsidir. Məhz cənab Prezidentin siyasi iradəsi, qətiyyəti, uzaqgörənliyi nəticəsində Azərbaycan xalqı dövlətinin, liderinin ətrafında sıx birləşdi və bu birlik, həmrəylik “dəmir yumruğa” çevrilərək Azərbaycan Ordusunun simasında düşmənin başını əzdi. Azərbaycan güclü dövlət olduğunu bütün dünyaya isbat etdi.       

         Prezidentimizin  cari ilin 1 fevral tarixində Parlamentlərarası İttifaqın Baş katibi Martin Çunqonqun qəbulu zamanı çıxışının mətni ilə tanış olduqca bunları aydın görür və başa düşür, təbii ki, fikir süzgəcimizdən keçiririk.  Bu qənaətə gəlirik ki, Azərbaycan həmişə olduğu kimi bu gün də öz hüquqlarını müdafiə edən,  iqtisadi, hərbi qüdrətini artıran, beynəlxalq aləmdə söz sahibi kimi mövqeyini möhkəmləndirən güclü dövlətdir.

         Təəsüflə bildiririk ki, AŞPA isə dünyanın bu gərgin çağında ədalətdən və həqiqətdən azad düşüb. AŞPA-nın hazırkı qərarının insan hüquqları ilə qəti əlaqəsi yoxdur. Qəbul olunmuş qərar öz suverenliyini və ərazi bütövlüyünü bərpa etmiş Azərbaycana qarşı yersiz  cəzalandırma cəhdidir.    

       Azərbaycan üçün nəinki nüfuzsuz AŞPA-da səsinin dondurulması, bu qeyri-obyektiv qurumun özü belə heç bir əhəmiyyət daşımır.

        AŞPA-da atılan bu addım qurumun bəzi üzv dövlətləri hədəfə almaq üçün platforma kimi istifadə olunduğunu, qərəzli qrupların təşkilatın əsas prinsiplərindən öz dar maraqlarının təmini məqsədilə sui-istifadə etdiyini, orada siyasi korrupsiya, ayrı-seçkilik, etnik və dini nifrət, ikili standartlar, təkəbbürlülük, şovinizm hökm sürən praktikanın mahiyyətini ortaya qoydu. Əlbəttə, Avropanın səmərəsiz cəhdləri heç bir fayda verməyəcək. Çünki haqq nazilsə də, üzülməz. Bizi “qıcıqlandırmaq” kimi boş cəhdlərinin hamısı faydasızdır. Təbii ki, biz yolumuza davam edəcəyik.

Dəyanət Əskərov,

Cəlilabad Rayon İcra Hakimiyyəti başçısının

Alar kənd inzibati ərazi dairəsi üzrə nümayəndəsi