"Görün Rəşad müəllimi nə dərəcəyə çatdırıblar ki..."
"Neftçi" - "Zirə" görüşündə qonaqlar məğlub oldu. Bununlada qəsəbə təmsilçisinin uğursuzluğu 10 oyuna çatdı. Bu cür "davamiyyət" futbol camiyasında birmənalı qarşılanmadı. "Qartallar"ın tənqid edənlər də var, müdafiə edənlər də. Azeripress.az saytı olaraq "qartallar"ın hücum planında zəifliyi öyrənmək üçün veteran forvard, elitamızın bombardiri olmuş Paşa Əliyevdən açıqlama aldıq:
"Zirə" yaxşı komandadı. Onlar "Qarabağ" xaric bütün klublara qarşı layiqli mübarizə aparır. Mən "qartallar"ın oyununu həm stadiondan, həm də televizordan izləyirəm. Bu komandanın yeganə problemi irəlidə vuran ayağının olmamasıdı. Klubda forvard ağırlığı yoxdu. Buna rəğmən komanda meydanda döyüşür. Onlar "Neftçi"ylə son oyun daxil, 10 matçda yaxşı təsir bağışlayıb, sadəcə nəticələrdə irəliləyiş yoxdu. Mən "Zirə"in toparlanacağına inanıram. Sadəcə hücum xətdində yeni nəfəs lazımdı. Komanda bir oyunda qalib gəlsə, bunun ardı gələcək".
Veteran futbolçu hakimlərin "qartallar"a qarşı qərəzindən də danışdı:
"Futbolumuzda hakim idarəçiliyi bərbaddı. Bu mövzuda o aylarla danışsaq bitməz. Mənə hələ də çatmır ki, Hakimlər Komitəsi rəhbəri vəzifəsinə niyə kənardan "mütəxəssis"lər gətirilir? Məgər özümüzdə veteran hakimlər arasında savadlı kadırlar yoxdu? Vallah adam hakimlikdən danışmağa utanır. Görün Rəşad müəllimi nə dərəcəyə çatdırıblar ki, o, axırda məcbur olub deyir ki, "ay, hakimlər haqqımıza girdiyinizə görə axirətdə cavab verəcəksiz". Odur ki, "Zirə"yə qarşı referilərin qərəzliliyi pik həddə çatdığını düşünür və bu məsələdə Rəşad Sadıqova hər cür dəstək verməyə hazıram".
ABDULLA İSMAYILOĞLU
-
Bakı Marafonunun qalibləri müəyyənləşdi - Foto
...
-
"Prezident Kuboku 2024"ün bağlanış mərasimi keçirilib
...
-
Azərbaycan “Prezident Kuboku 2024” beynəlxalq reqatasını doqquz medalla başa vurub - FOTOLAR
...
-
Fərid Qayıbov: "Əminəm ki, növbəti Olimpiya Oyunlarına lisenziya qazanan avarçəkənlərimizin sayı daha çox olacaq"
...
-
“Prezident Kuboku 2024”: ikinci gündə üç medal - FOTOLAR
...
-
"Prezident Kuboku-2024" beynəlxalq reqatasında ikinci günə start verildi
...
-
Azərbaycanın minifutbol millisi beynəlxalq turnirin qalibi oldu
...
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...