AMADA-nın icraçı direktoru qurumun əsas məqsədini açıqladı

17:23 21-02-2024 | 903

"Qürurla demək istəyirəm ki, 2024-cü il Olimpiya ilidir".

Bu sözləri Milli Antidopinq Agentliyinin icraçı direktoru Təhminə Tağı-zadə Bakıda keçirilən “Olimpiya çempionluğuna doğru: təmiz idmanda milli və qlobal baxışlar” adlı beynəlxalq elmi-praktik konfransın açılış mərasimindən sonra jurnalistlərə açıqlamasında deyib.

O, Azərbaycanda bu cür tədbirin ilk dəfə təşkil olunduğunu bildirib: "Burada bir çox ölkələrin nümayəndələri iştirak edirlər. Hətta konfransa onlayn qoşulanlar da var. Tədbirin davamı fevralın 23-də Qubada keçiriləcək. Əsas məqsədimiz sağlam idmanı təbliğ etməkdir".

Qeyd edək ki, konfrans Gənclər və İdman Nazirliyinin dəstəyi, AMADA və Azərbaycan Dövlət Bədən Tərbiyəsi və İdman Akademiyasının birgə təşkilatçılığı ilə keçirilir.