Azər Əliyev: “Azərbaycan idmanının bu cür nəticələr qazanması çox xoşdur”
“Azərbaycanda ilk dəfədir basketbolda oluram. Təəssüratlarım çox gözəldir. Görünür ki, artıq bizdə də bu idman növü inkişaf edir”.
Bu sözləri Milli Olimpiya Komitəsinin baş katibi Azər Əliyev basketbol üzrə Azərbaycan millisinin DÇ-2027-nin seçmə mərhələsi çərçivəsində Kosovonu 87:77 hesabı ilə məğlub etdiyi oyun barədə danışarkən deyib.
O, ümumilikdə başa çatan həftənin Azərbaycan idmanı üçün uğurlu olduğunu söyləyib: “Bu həftə Azərbaycan idmanı üçün çox uğurlu alındı. Ağır atketikada təmsilçimiz Avropa çempionu oldu. Eləcə də "Qarabağ" ilk dəfə UEFA Avropa Liqasında 1/8 finala yüksəldi. İndi isə basketbol millimiz heç də zəif olmayan Kosovo üzərində qələbə qazandı. Azərbaycan idmanının bu cür nəticələr qazanması çox xoşdur”.
MOK-un baş katibi bu ilin yayında Parisdə keçiriləcək olimpiadaya hazırlıqdan da söz açıb: “Olimpiadaya hazırlıqlar yaxşı gedir. Düzdür, hələ cəmi 9 lisenziya qazanmışıq. Amma təbii ki, gözləntilərimiz daha çoxdur. Tezliklə güləş üzrə yarışlar olacaq ki, orada lisenziyalarımızın sayı artacaq. Eləcə də cüdodan lisenziyalar gözləyirik. Bu idman növündə də son zamanlar yaxşı nəticələr qazanılır. Olimpiadaya hələ vaxt var. Bir sözlə, hər şeyin yaxşı olacağına inanırıq”.
A.Əliyev “Qarabağ” futbol klubunun UEFA Avropa Liqasının 1/8 finalına yüksəlməsindən də danışıb: “Qarabağ”ın "Braqa" ilə cavab oyununu stadiondan canlı izlədim. Unudulmaz bir matç idi. Tofiq Bəhramov adına Respublika stadionunda bu cür görüşlər həmişə olmur. 120 dəqiqə ərzində stresli bir görüş oldu. Əslində, oyuna nəzarət "Qarabağ"ın tərəfində idi. Sonradan vəziyyət dəyişdi. Lakin "Qarabağ" əsl xarakter nümayiş etdirdi. Əzmkarlıqla komanda sonda istəyinə çatdı. Növbəti mərhələdə yenidən "Bayer"lə qarşılaşacağıq. Leverkuzen təmsilçisinin gücü məlumdur. Odur ki, qarşıda "Qarabağ"ı çox çətin 2 oyun gözləyir”.
-
Azərbaycan “Prezident Kuboku 2024” beynəlxalq reqatasını doqquz medalla başa vurub - FOTOLAR
...
-
Fərid Qayıbov: "Əminəm ki, növbəti Olimpiya Oyunlarına lisenziya qazanan avarçəkənlərimizin sayı daha çox olacaq"
...
-
“Prezident Kuboku 2024”: ikinci gündə üç medal - FOTOLAR
...
-
"Prezident Kuboku-2024" beynəlxalq reqatasında ikinci günə start verildi
...
-
Azərbaycanın minifutbol millisi beynəlxalq turnirin qalibi oldu
...
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...
-
"DreamLand" qolf akademiyasında "Lexus Trophy 2024" turniri keçirilib
...
-
Elman Nəsirov: Avarçəkmə Azərbaycanda bu qədər populyar olmamışdı
...