Ziya Məmmədov Siyəzəndə vətəndaşları qəbul etdi

13:20 27-01-2017 | icon 864
Ziya Məmmədov Siyəzəndə vətəndaşları qəbul etdi
loading...

Prezident İlham Əliyevin göstəriş və tövsiyələrinə müvafiq olaraq, Nəqliyyat naziri Ziya Məmmədov yanvarın 27-də Siyəzən rayonunda növbəti qəbul keçirib.

Nəqliyyat naziri Siyəzən, Xızı, Şabran rayonlarından olan vətəndaşları qəbul edərək onların müraciət, şikayət və təkliflərini dinləyib.

Bu barədə Oxu.Az-a Nəqliyyat Nazirliyi yanında Dövlət Avtomobil Nəqliyyatı Xidmətindən məlumat verilib.

Vətəndaşların müraciətlərində, əsasən, Xızı və Şabran şəhərlərində müasir tipli avtostansiyanın tikintisi üçün tədbirlərin görülməsi xahiş olunub.

Digər müraciətlər isə Rusiya Federasiyası dövlət sərhədindən Bakı şəhəri istiqamətində avtomobil yolunun Şabran rayonunun Uzunboyad kəndi ərazisindən keçən hissəsində sərnişinlər üçün nəzərdə tutulmuş əvvəllər mövcud olan dayanacağın bərpasına köməklik göstərilməsi, Şabran-Rəhimli yeni marşrut xəttinin açılması və digər məsələlərlə bağlı olub. 
Həmçinin Siyəzən, Şabran rayonlarının nəqliyyat-yol kompleksində görülmüş işlərlə bağlı minnətdarlıq ifadə olunub.

Nazir Ziya Məmmədov vətəndaşların müraciət və şikayətləri ilə əlaqədar nazirliyin struktur rəhbərlərinə göstərişlər verib. Nazirliyin səlahiyyətlərinə aid olmayan məsələlər isə aidiyyəti qurumlara çatdırılmaq üçün qeydiyyata alınıb. 

U.A.


Digər xəbərlər

1.4102702140808