2016-cı il Bakı sakinlərinin yaddaşında hansı hadisələrlə qaldı? – SORĞU
Yola saldığımız 2016-cı il dünyada bir çox hadisələrlə yadda qaldı. Bəs görəsən, beynəlxalq aləmdə baş verənlərə Bakı sakinlərinin münasibəti necədir? Paytaxt sakinləri hansı hadisələri 2016-cı ilin unudulmazları sırasında görüblər?
Oxu.Az xəbər verir ki, “ACT Azərbaycan” 24 dekabr – 3 yanvar tarixlərində Bakı şəhərində apardığı sorğunun nəticələrini açıqlayıb.
Rəyi soruşulmuş paytaxt sakinlərinin 29%-i üçün ilin əsas hadisəsi Suriya və onun ətrafında baş verənlər olub. Yaxın Şərq münaqişəsinin adını çəkənlər, əsasən, 65 və daha çox yaşı olan ahıl nəslin nümayəndələridir (38%). Kişi respondentlərin arasında 2016-cı ildə ən çox yaddaqalan (32%) hadisə də məhz Suriya böhranıdır.
Türkiyədə hərbi çevrilişə cəhd də paytaxt sakinlərinin diqqətindən yayınmayıb (28%). Əsasən, orta nəslin nümayəndələri (45-54 yaş aralığı) çevriliş cəhdini ilin hadisəsi adlandırıblar (41%). Və maraqlısı budur ki, bu qadın respondentlərin 2016-cı ildə ən çox xatırladığı hadisədir (30%).
Terror aktları da ötən ili xatırlayanların siyahısında top beşliyə düşməyi bacarıb. Bakı respondentlərinin beşdə biri (19%) 2016-cı ili daha çox terror hadisələri ilə assosiasiya etdiklərini bildiriblər.
ABŞ-da keçirilən prezident seçkiləri də Bakı sakinlərinin diqqətindən yayınmayıb. Rəyi soruşulan sakinlərin 18%-i Donald Tramp və Hillari Klinton arasındakı seçki marafonunu ilin ən xatırlanan hadisəsi hesab edib. Xüsusən, gənc nəslin nümayəndələri (18-24 yaş aralığı) ABŞ-da baş tutan seçkilərə diqqət ayırıblar (26%).
İlin sonunda Ankaradakı Rusiya səfiri Andrey Karlovun öldürülməsi 17%, İŞİD-in fəaliyyəti isə 12% respondentin ən yaddaqalan hadisələridir.
Sorğu 24 dekabr – 3 yanvar tarixlərində Bakı şəhərində 400 respondent arasında telefon vasitəsilə həyata keçirilib. Sorğunun nəticələrində yanlışlıq həddi maksimum 4,9%-dir.
A.M.
-
Şənbə günü 30° isti olacaq
...
-
Respublika Pediatriya Mərkəzi yaradıldı - Direktor o oldu+Fotolar
...
-
Sabah 30° isti olacaq
...
-
Bakıda bu yol 3 gün bağlı olacaq
...
-
Səttar Möhbalıyev: “Su ehtiyatlarından daha səmərəli istifadə olunması istiqamətində ölkəmizdə mühüm işlər görülür”
...
-
Adıgözəl Məmmədovun: "Tədqiqatlarımı oğurlayıb, pul qazanan, elmi dərəcə alanlar var"
...
-
Sabaha 28° isti proqnozlaşdırılır
...
-
Leyla Əliyevanın iştirakı ilə növbəti “Bizim Həyət” sakinlərin istifadəsinə verildi - Fotolar
...
-
Davamlı inkişafın göstəriciləri
...
-
Su ehtiyatlarından səmərəli istifadə şəkildə başlıca vəzifədir
...