Samux rayonunda 8 Noyabr – Zəfər Günü qeyd olunub

Vətən müharibəsinin birinci ildönümü ilə əlaqədar Samux rayonunda tədbir keçirilib. Tədbirdə Samux Rayon İcra Hakimiyyıtinin başçısı Alı Qocayev, hüquq-mühafizə orqanlarının rəhbərləri, şəhid ailələri, qazilər, idarə, müəssisə, təşkilat rəhbərləri, ictimaiyyət nümayəndələri, ziyalılar və gənclər iştirak ediblər.
   İlk olaraq Ümummilli lider Heydər Əliyevin abidəsi ziyarət olunub, önünə tər gül dəstələri düzülüb, ruhu böyük ehtiramla yad edilib.
   Daha sonra torpaqlarımızın azadlığı uğrunda canından keçmiş Şəhidlərimizin xatirəsinə ucaldılmış Samux Şəhidləri Kompleksi ziyarət edilib, gül dəstələri düzülüb, ruhlarına dualar oxunub.
    Heydər Əliyev prospektində yürüş keçirilmiş, Azərbaycan bayrağını yürüş maşrutu üzrə aparıb, həmçinin vətənpərvərlik və qələbə ruhunda mahnı və marşlar səsləndiriliblər. Onları gənclərdən və  rayon ictimayyətindən ibarət yüzlərlə insan müşayiət edib.

Samux şəhər Heydər Parkında məktəblilərin Zəfər Gününə həsr etdikləri rəsim sərgisinə baxış keçirildi. Tədbirdə “Tarixi Zəfər” mövzusunda çıxış edən RİH-nin başçısı qeyd edib ki, ötən il sentyabrın 27-dən başlayan, işğal altındakı ərazilərimizin azad edilməsi ilə nəticələnən Vətən müharibəsi tariximizin ən parlaq səhifəsinə çevrilib. Vətən müharibəsində yazılan yeni şanlı tarixin haqq və bəşəri ədalət nümunəsi olduğunu vurğulayan icra başçısı tarixi torpaqlarımız üzərindəki 30 illik həsrəti qələbə ilə yekunlaşdıraraq bu müjdəni xalqa yaşatdığı üçün Müzəffər Ali Baş Komandana və  Rəşadətli Azərbaycan Ordusuna dərin minnətdarlığını xüsusi diqqətə çatdırıb. 

   Digər çıxış edən natiqlər Qalib xalqımızın dövlət başçımızın ətrafında sıx birləşərək bütün dünyaya öz gücümüzün, mətinliyimizin, mübarizliyimizin  nümayiş etdirildiyini vurğulayıblar.

  Azərbaycan Respublikasının Prezidenti cənab İlham Əliyevin Sərəncamına uyğun olaraq təltif olunmuş Şəhidlərin medalları ailə üzvlərinə təqdim olundu. Qazilərin və Vətən müharibəsi iştirakçılarının medallarının da təqdimatı oldu.

Daha sonra məktəblilərin ifasında ədəbi-bədii kompazisiya dinlənilib.