Emin və digər tanınmışlar Kəlbəcərdə hərbçilərimiz üçün konsertlə çıxış etdi - Fotolar
İşğaldan azad edilməsini otuz ilə yaxın müddətdə səbirsizliklə gözlədiyimiz doğma Qarabağda nəhayət, həyat tədricən canlanır. Hər bir azərbaycanlı üçün əziz olan bu torpaqlara bərpa və yenidənqurma işləri ilə yanaşı, mədəni həyat da qayıdır, müxtəlif tədbirlər keçirilir.
Belə tədbirlərdən biri də avqustun 31-də Kəlbəcər rayonunda yerləşən “N” saylı hərbi hissədə Vətənin keşiyində dayanan hərbçilərimiz üçün təşkil olunan konsert proqramıdır.
“Yaşa, doğma Azərbaycan!” adlı konsert proqramında tanınmış azərbaycanlı müğənnilər Xalq artisti Emin, eləcə də Ellai, Bahh Tee & Türkan, JONY, Rauf & Faiq, gənc müğənni Cəmilə Həşımova və “The Excellent Music Band” qrupu bir-birindən maraqlı ifaları ilə hərbiçilərimizə xoş anlar bəxş ediblər.
Kəlbəcərdə Vətənə, bayrağa, dövlətə, xalqa sonsuz sədaqətini nümayiş etdirən qəhrəman əsgər və zabitlərimiz konsert proqramı zamanı təqdim olunan rəngarəng musiqi nömrələrini alqışlarla qarşılayıblar.
“Bizə işğaldan azad olunmuş ərazilərdə konsert vermək sevincini yaşatdığı üçün Azərbaycan Ordusuna təşəkkür edirəm. Burada – Kəlbəcərdə əsgər və zabitlərimizin qarşısında çıxış etmək olduqca qürurverici hissdir”, - bu fikirləri Xalq artisti Emin jurnalistlərə müsahibəsində deyib.
“Prezident, Müzəffər Ali Baş Komandan İlham Əliyevin rəhbərliyi ilə ərazilərimiz işğaldan azad edildi və rəşadətli Azərbaycan Ordusu igidlik göstərdi”, - deyə müğənni əlavə edib.
Emin Kəlbəcərdən sonra işğaldan azad olunmuş digər ərazilərimizdə də konsert proqramı ilə çıxış edəcəklərini bildirib.
-
“CineMastercard”da “Furiosa: Çılğın Maks Əfsanəsi” filmi nümayişi olunub - VİDEO/FOTO
...
-
Beyinsəl və ruhən xəyanət daha qorxuncdu - ÖZƏL MÜSAHİBƏ
...
-
Heydər Əliyev Mərkəzində “Görünməyənin cizgiləri” sərgisi açılıb
...
-
“Kasıbçılıqla böyümüşəm, ali təhsil ala bilməmişəm” - Video
...
-
"Parkda" tamaşası və onun xalqa verdiyi mesajlar
...
-
Ağalarov Bakıya CeyLo-nu gətirmək istəyir - 8 milyonluq festival
...
-
“CineMastercard”da “Çingene kızı Zeugma” filminin qala gecəsi baş tutub - FOTO/VİDEO
...
-
“Xarıbülbül” festivalına Laçında yekun vurulub
...
-
CineMastercard kinoteatrında “Cadı” filminin Qala gecəsi keçirildi - VİDEO - FOTO
...
-
Şuşada “Xarıbülbül” musiqi festivalının ikinci günündən - Video
...