Nəsimidə yaşıllıq qətliamı — Onlarla hündür ağac kəsildi – FOTOLAR / VİDEO
Paytaxtın Nəsimi rayonu, 4-cü mikrorayon, Əlisgəndər İsgəndərov küçəsi, ev 7 ünvanında yerləşən 3 binanın həyətindəki hündür ağaclar naməlum “qovluqlu adamlar”ın iştirakı ilə kəsilir. Sözügedən binada yaşayan 500 nəfərdən çox sakinin etirazlarına baxmayaraq, ağackəsmə işləri hələ də davam edir. Bunu sakinlərin redaksiyamıza göndərdiyi foto və video çəkilişlərindən də açıq şəkildə görmək mümkündür.
Sakinlər bildirirlər ki, binanın ətrafındakı ağacları kəsən şəxslər özlərini təqdim etmək istəmirlər. Onlardan bəziləri isə ağacları kəsməyi ərazidə abadlıq işlərinin aparılması ilə əsaslandırır.
Sakinlər ağac kəsilən ərazidə Nəsimi rayon İcra Hakimiyyətinin avtomobillərini gördüklərini deyirlər.
“Ərazidə 3 bina yerləşir. İcra Hakimiyyətinin adamları isə ərazidəki ağacların yarısını kəsiblər. Sakinlərin etirazından sonra ağacların hamısını məhv edə bilməyiblər. Ancaq digər ağacları da kəsmək üçün məqam axtarırlar. Biz Nəsimi rayon İcra Hakimiyyətinin nümayəndələrinə də bildirdik ki, kəsdiyiniz ağacların yerinə öz vəsaitimiz hesabına ağac alıb əkərik. Ancaq siz burada işləri dayandırın. Lakin onlar ərazidən getmək istəmirlər. İcra Hakimiyyətinin nümayəndələri özlərini elə göstərirlər ki, guya hadisədən xəbərləri yoxdur. Amma Nəsimi rayon İcra Hakimiyyətinin əməkdaşlarının gözü qarşısında ağacları kəsirlər. İcra Hakimiyyəti həmin ərazidə yeni bina tikilməsi üçün boş ərazi yaratmağa çalışır. Yəqin ki, hansısa şirkətə satmaq istəyirlər”, – deyə sakinlər bildirir.
Ərazidə digər ağacların da kəsilməsi dayandırılmasa, sakinlər ölkə başçısına müraciət edəcəklərini deyirlər.(Ölkə.az)
-
Strateji tərəfdaşlıq münasibətləri genişlənir
...
-
Səttar Möhbalıyev: “Azərbaycan-Bolqarıstan əməkdaşlığında bütün sahələr üzrə göstəricilər yüksəlir”
...
-
"Talassemiyasız həyat naminə" layihəsi çərçivəsində gənclər ilə görüş keçirilib -FOTOLAR
...
-
Avropanın enerji təhlükəsizliyinin təminatında ölkəmiz mühüm rola malikdir
...
-
Azərbaycandakı əlverişli mühit iqtisadi əlaqələrin genişləndirilməsinə təkan verir
...
-
İkitərəfli münasibətlər genişlənir
...
-
Əməkdaşlığın əlamətdar istiqamətləri
...
-
Azərbaycan-Slovakiya əlaqələri tarixində əlamətdar hadisə
...
-
Slovakiya-Azərbaycan əlaqələrində yeni səhifə açılır
...
-
Azərbaycanda Qələbə Günü qeyd olunur
...