AVF-də çaxnaşma: Maaşlar verilmir, işçilər ixtisar olunur, rəhbərlik isə...
Başı bəlalı Voleybol federasiyasında gərginlik zirvə həddindədir. Maliyyə böhranı azmış kimi, federasiyada çalışan işçilər də heç bir əsas və səbəb olmadan tam qanunsuz surətdə ixtisara salınır. Bir müddət əvvəl bəzi xəbər saytlarında hakimlərin maaş almaması səbəbindən ölkə çempionatını baykot etmələri haqda məlumatlar da böyük rezonans doğurmuşdu.
Azeripress.az saytına voleybol ictimaiyyətindən daxil olan bilgiyə görə, Avropa və dünya çempionatlarında qızıl medalın olmaması federasiya rəhbərliyini özündən çıxarıb.
Bundan istifadə bəzi qüvvələr isə federasiya prezidentinə təsir edərək illərdir voleybolun inkişafı üçün çalışan şəxsləri işdən çıxartdıraraq özlərinə yaxın, amma idmanın bu növünə uzaq olan adamları işə götürməklə öz yerlərini “bərkidirlər”.
Məlumata görə, idmançıların problemini həll etməyə çalışan birinci vitse-prezident Faiq Qarayevlə də rəhbərlik arasında ciddi mübahisələr olub. F.Qarayev məsələnin böyüməməsi üçün rəhbərliklə danışıqlar aparmaq və maaşların ən azı bir qisminin verilməsini təmin etmək istəsə də, digər rəhbər şəxslər onunla razılaşmayıb. Həmin şəxslər hər vəchdlə Qarayevin federasiya prezidenti ilə görüşünə də mane olmağa çalışır.
Məlumatda bildirilir ki, voleybol camiəsi ölkə başçısı İlham Əliyevə məktub yazaraq hazırkı durumla bağlı yardım istəyəcəklər. Problem həll olunmayacağı təqdirdə AVF-nin tanınmış üzvləri də başqa ölkə adına mübarizə aparmaq üçün qurumu tərk edəcəklər.
Qeyd edək ki, bu yazdıqlarımız federasiyada baş verən neqativ halların çox az bir hissəsidir. Faiq Qarayevə mane olmaq istəyən digər rəhbər şəxslər bizə məlum olsa da, həmin adamların kimliyini və federasiya rəhbərinə hansı təsir gücünə malik olduğlarını isə daha ətraflı araşdırma apardıqdan sonra növbəti yazımızda qeyd edəcəyik.
P.S. Vəziyyət tezliklə düzəlməzsə, proses daha dərinləşəcək və növbəti uğursuzluq zolağına yol açacaq.
Ardı var...
-
Azərbaycan Premyer Liqasının son iki turunda əcnəbi hakimlər
...
-
AFFA lisenziya alan klubların adlarını açıqladı
...
-
Bilyard üzrə Azərbaycan çempionatının qalibləri bəlli olub
...
-
AFFA Premyer Liqada klub sayı ilə bağlı qərar verdi
...
-
Final seriyasının təqvimi açıqlandı
...
-
AKAF “PUSH-30” ilə əməkdaşlığa başladı - Fotolar
...
-
ABF rəsmiləri FİBA-nın assambleyasında iştirak ediblər
...
-
Mariya Stadnik tarix yazdı
...
-
Beynəlxalq Ağırlıqqaldırma Federasiyasının prezidenti Bakıya gəlib - FOTO
...
-
Sabiq icra başçısının oğluna yüksək vəzifə verildi
...