“Bizim bütün futbolçuları toplasan, 25 milyon etməz” - Yurçeviç
AÇ-2020-nin seçmə mərhələsi çərçivəsində keçirilən Azərbaycan - Slovakiya matçı qonaqların 1:5 hesablı qələbəsi ilə başa çatıb.
Oyundan sonra keçirilən mətbuat konfransına qatılan millimizin baş məşqçisi Nikola Yurçeviç məğlubiyyəti belə şərh edib:
“Bu nəticədən sonra nəsə demək çətindir. Rəqibi təbrik edirəm. Oyuna yaxşı başladıq. Lakin erkən qol buraxdıq. Hər buraxdığımız qolu şərh etmək istəmirəm. Hesab 1:4 olduqdan sonra oyun bitdi. Rəqibin ulduz futbolçuları var. Təkcə Stanislav Lobotkanın qiyməti 25 milyondur. Bizim bütün futbolçuları toplasan, 25 milyon etməz".
- Baş məşqçi olaraq əvəzetmələrin gecikdiyini düşünmürsünüz ki?
1:5-dən sonra çox müzakirə edə bilərik. 55-60-cı dəqiqədən sonra dəyişiklik etmək istəyirdim. Lakin razılaşmıram ki, meydanda mübarizə aparan tək futbolçu Ramil Şeydayev idi. Bəzi şanslarımız var idi. Lakin 60-cı dəqiqədən sonra rəqibi qarşılamaq çətin idi.
- Azarkeşlərdən üzr istəmək istəmirsiniz?
Əlbəttə, bu, böyük şok idi. Böyükhesablı məğlubiyyətə görə, azarkeşlərdən üzr istəyirəm.
- Slovakiyada bir futbolçunun 25 milyon olduğunu dediniz. Amma Fransa millisinin heyətində təkcə Mbappenin qiyməti 100 milyon avrodur. Buna baxmayaraq, Türkiyə onları 2:0 məğlub etdi. Diqqətinizə çatdırmaq istərdim ki, meydanda dollar və ya avro oynamır... Xəcalət çəkirsinizmi?
1:5 hesablı məğlubiyyət utancvericidir. Sadəcə, bunu fakt kimi dedim ki, rəqibin futbolçuları Avropanın səviyyəli çempionatlarında çıxış edir. Əlimizdən gələni etməliyik. Hər zaman qələbə qazanmaq olmur. Rəqiblərimiz bizdən çox güclüdür.
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...
-
"DreamLand" qolf akademiyasında "Lexus Trophy 2024" turniri keçirilib
...
-
Elman Nəsirov: Avarçəkmə Azərbaycanda bu qədər populyar olmamışdı
...
-
“Prezident Kuboku 2024” beynəlxalq reqatasının paradı keçirilib - FOTO
...
-
Ədəhim Nifrəliyev: "Qələbəyə çox ehtiyacımız vardı"
...
-
"Prezident Kuboku-2024": Beynəlxalq reqataya hazırlıqlar başa çatıb
...
-
Mehriban Əliyevadan Ülviyyəyə təbrik - “Səninlə fəxr edirəm!”
...
-
Albaniya - Azərbaycan matçının saatı və məkanı açıqlandı
...