Baqali Dabo “Neftçi” azarkeşlərini təhqir etdi - Foto
“Neftçi”nin hücumçusu Baqali Dabo növbəti dəfə qalmaqala səbəb olub. Fransalı forvard “ağ-qaralar”ın azarkeşlərinin tənqidinə sərt cavab verib.
Klubun ən böyük azarkeş səhifəsi olan “Neftchi Baku [Fan Page]” Dabonu tənqid edib:
“Mənə tez-tez yazırsınız ki, admin, bəs deyirdin, Dabonun zədəsi 3-5 günlükdür, 35 gündür adam yoxdur. Əslində, Dabonun zədəsi "Sperantsa" ilə cavab matçından sonra sağalıb. Amma... İşin bir əmması var. Bu adam oyunçu kimi yaxşı olsa da, insan kimi çox məsuliyyətsiz, laqeyddir. Aylıq "Neftçi"dən 42 min 500 manat maaş alır. Bonusları da gəlsək, təxminən 50-55 min manat edir. Bu ölkədə bunun 100 qat aşağısına işləyən insanlar var. Orta məktəb müəllimi bu maaşı 100 aya qazanır. Hələ xanımı da narazılıq edir.
Baqali Dabo özünü məşqlərdə yuxarıdan aparır, sözün həqiqi mənasında “şişib”. Məşqlərə etinasız yanaşır, məşqçi və rəhbərliyin qərarlarına etiraz edir. Buna görə də Roberto Bordin onu “Sabah”la oyundan öncə son anda siyahıdan sildi.
Hər nə qədər Bordinin işini bəyənməsəm də, bu məsələdə tam baş məşqçiyə haqq qazandıram. Yox, sən get istirahət vaxtı dizini zədələ gəl, mən məşq etmirəm, oynamalıyam. Çox güman rəhbərlik əvəzedici heyətə göndərəcək Dabonu. Ya da etdiyi tərbiyəsizlik üçün üzr istəməlidir”.
Azarkeş səhifəsinin bu paylaşımına Dabodan cavab gəlib. “Şərhlərinizi...., sözlərim sizə xoş deyilsə, daha çox fransızca yazım, tərcümə edərsiniz”, - deyə 31 yaşlı hücumçu “İnstagram” hesabının hekayə bölümündə cavab verib.
Səhifə admini Dabonun cavab sözlərini klubun mətbuat və marketinq departamentinin rəhbəri Rüstəm Allahverdiyevə məlumat verdiyini qeyd edib. Allahverdiyev cavab olaraq bildirib ki, də bu barədə klubun idman direktoru Ceyhun Sultanov və rəhbərliyə məlumat verilib.
Premyer Liqanın ilk turunda “Sabah”la oyundan öncə meydana çıxmayacağını öyrənən Dabo baş məşqçi Roberto Bordinin qərarına əsbələşib, hirsli şəkildə reaksiya vermişdi.(qafqazinfo)
-
"Bakı Abadlıq Xidməti" tikinti, quruculuqla yanaşı, həm də abadlaşdırdığı kəndlərdə sağlam, yaradıcı mühit yaratmağa cəhd edir" - FOTOLAR
...
-
Aygün Kazımova Azərbaycan Kubokunun finalından öncə çıxış edəcək
...
-
Bu gün Avroliqada finalçılar müəyyənləşir
...
-
Kamran Nəbizadə TAF-ın prezidenti ilə görüşüb
...
-
Nazir Ülviyyəni qəbul etdi
...
-
Bakı dünyanın “İdman Paytaxtı” seçildi
...
-
Arif Əsədov: "Əsas şərt idman prinsipinin qorunmasıdı"
...
-
Kənan Məstəliyev: "Onları qeyri-peşəkar hesab edirəm"
...
-
Bakı kənd və qəsəbələri arasında ll minifutbol turnirində finalçılar müəyyənləşib
...
-
Avarçəkmə Federasiyası “Bakı Marafonu-2024”də iştirak etdi - Fotolar
...