Namiq Əliyev: "Tokio-2020"yə lisenziyaların yarısını əldə edəcəyimizə ümidvarıq"
"Bu, çox önəmli dünya çempionatıdır və Yaponiyanın paytaxtı Tokioda keçiriləcək Yay Olimpiya Oyunlarına ilk lisenziya verən yarışdır. Olimpiya lisenziyaların sayı azalıb. Hər bir çəkidəki idmançı sayı 21-dən 16-a endirilib. Buna görə də çox çətin olacaq. Komandamız isə kifayət qədər hazırlıqlıdır. Uğurla çıxış edəcəyimizi düşünürəm".
Bu fikirləri jurnalistlərə açıqlamasında Azərbaycan Güləş Federasiyasının prezident əvəzi Namiq Əliyev Qazaxıstanın paytaxtı Nur-Sultanda keçiriləcək dünya çempiponatı barədə danışarkən deyib.
Federasiya rəsmisi bildirib ki, mundialdan öncə zədə ilə bağlı bəzi problemlər olub: "Şərif Şərifov artıq 97 kq-da güləşəcək. Ümid edirəm ki, "Tokio-2020" üçün lisenziyaların yarısını əldə edəcəyik. Hər dəfə olduğu kimi, yenə kifayət qədər medalımız olacaq. Təcrübəli idmançılarımız var. Demək olar ki, mundialda əsas heyət çıxış edir. Dünya və Avropa çempionlarımız da orada olacaq. Əsas hədəfimiz olimpiada üçün lisenziyalar əldə etmək, sonra medallar qazanmaqdır".
Əliyev Azərbaycanın olimpiya çempionu Toğrul Əsgərovun Qazaxıstana getməməsi ilə bağlı da danışıb: "0, hələ tam güləşə bilməsə də, məşqlərini davam etdirir. Bu ilin sonlarında bəzi turnirlər var. Orada onu sınayacağıq. Gələn il Avropa çempionatı keçiriləcək. Ümid edirik ki, həmin vaxtadək hazır olacaq və olimpiadaya gedə biləcək. Mundial üçün heyətdə yeni adlar və gənclər də var. Bu ənənə davam edəcək. Hesab edirəm ki, olimpiadada gənc idmançılarımızın adlarını eşidəcəksiniz. Onlar ilk dəfə mundiala qatılacaqlar".
Qeyd edək ki, çempionat sentyabrın 14-dən 22-dək keçiriləcək.
-
Fərid Qayıbov: "Əminəm ki, növbəti Olimpiya Oyunlarına lisenziya qazanan avarçəkənlərimizin sayı daha çox olacaq"
...
-
“Prezident Kuboku 2024”: ikinci gündə üç medal - FOTOLAR
...
-
"Prezident Kuboku-2024" beynəlxalq reqatasında ikinci günə start verildi
...
-
Azərbaycanın minifutbol millisi beynəlxalq turnirin qalibi oldu
...
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...
-
"DreamLand" qolf akademiyasında "Lexus Trophy 2024" turniri keçirilib
...
-
Elman Nəsirov: Avarçəkmə Azərbaycanda bu qədər populyar olmamışdı
...
-
“Prezident Kuboku 2024” beynəlxalq reqatasının paradı keçirilib - FOTO
...