“Bala - başa bəla!”dan 24 il sonra yenidən bir araya gəldilər - Fotolar
1995-ci ildə rejissor Şərif Qurbanəliyevin məşhur “Bala - başa bəla!” tammetrajlı bədii televiziya film-tamaşasında rol alan Xalq artistləri Afaq Bəşirqızı, Səidə Quliyeva və Cahangir Novruzov 24 il sonra yenidən bir araya gəliblər.
Onlar bu dəfə də rejissor, "Sabah” Yaradıcılıq Birliyinin rəhbəri Şərif Qurbanəliyevin ekran işində rol alıb. Hüseynbala Mirələmov və Dilsuz Mustafanın hekayələrinin motivləri əsasında çəkilən “Zəng” tammetrajlı bədii filmi yaxın zamanda tamaşaçılara təqdim ediləcək.
Onlarla yanaşı, filmdə Xalq artisti Məbud Məhərrəmov, Əməkdar artist Qurban Məsimov, aktyorlar Ramin Şıxəliyev, Səbinə Məmmədova, Arif Kərimov və başqaları rol alıb.
“Zəng"də baş rol - Ataxan obrazını, Azərbaycanın görkəmli teatr və kino xadimi, Xalq artisti, Adana Çukurova Universiteti Dövlət Konservatoriyasının professoru Cahangir Novruzov, Ataxanın həyat yoldaşı Anaxanım surətini isə Xalq artisti Səidə Quliyeva canlandıracaq. Bu dəfə də eynilə “Bala - başa bəla!”da olduğu kimi Cahangir Novruzovun ifa etdiyi obrazın bacısının surətini – Qızbəs obrazını Xalq artisti Afaq Bəşirqızı yaradacaq.
Filmin ssenari müəllifi Şərif Qurbanəliyev, quruluşçu operatoru Eldar Məmmədov, rəssamı Rəfael Əlizadə, bəstəkarı Firudin Allahverdi, prodüseri Xalq artisti Ramiz Həsənoğludur.
-
“Apatiya” filminin qala gecəsi baş tutub
...
-
“CinemaPlus” Ümummilli Liderin səfərləri haqqında filmlərə dəstək olub - VİDEO
...
-
Akademik Musiqili Teatrın aktyorları Novosibirsk teatrının yubileyində iştirak ediblər
...
-
Leyla və Arzu Əliyeva SƏNƏT Uşaq Musiqi və İncəsənət Mərkəzində - Fotolar
...
-
CinemaPlus-da “Efsane” filminin qala gecəsi keçirilib
...
-
"Rəfiqə xanın yalnız Azərbaycan SSR-in "Xalq artisti", müxtəlif titullar alan baletmeyster yox, həm də pedaqoq, maarifçi və gözəl insan idi"
...
-
Türkiyədə izlənmə rekordları qıran “Ölümlü Dünya 2” komediyası “CinemaPlus”da
...
-
Rəfiqə Axundovanı da itirdik
...
-
Onun həbsxana yaradıcılığı: Mən qərib kinorejissoram - Yılmaz Güney
...
-
Maskalar açıldı, qalib bəlli oldu - Video
...