Güləşçilərimiz I Dünya Çimərlik Oyunlarını 2 medalla başa vurdu
Oktyabrın 15-də Qətərin paytaxtı Dohada ilk Dünya Çimərlik Oyunları çərçivəsində keçirilən çimərlik güləşi üzrə yarışa yekun vurulub.
Təmsilçimiz İbrahim Yusubov (80 kq) A qrupunda rumıniyalı Vasile Madalin Minzala (3:1), ispan David Kintana (3:0) və çilili Antonio Kastroya (3:0) qalib gəlib, gürcü Davit Xutsişviliylə görüşdə isə hesab açılmayıb. Gürcüstan təmsilçisinin çəkisi daha az olduğundan qələbə rəqibə verilib. Bununla belə, yarımfinala vəsiqə qazanan İ.Yusubov ukraynalı Vasili Mixaylovu 3:1 hesabı ilə üstələyərək finala yüksəlib. Həlledici görüşdə yenidən gürcü güləşçi üz-üzə gələn təmsilçimiz bu dəfə də məğlub olaraq gümüş medalı boynundan asıb.
Digər güləşçimiz Oyan Nəzəriani (90 kq-dan yuxarı) B qrupunda ispan Xose Kuba Vaskesə (3:0) və rumıniyalı Daniel Kintoana (3:0) qalib gəlib, gürcü Mamuka Kordzayaya (1:4) isə uduzub. Güləşçimiz yarımfinalda iranlı Puya Rəhmani (0:3) ilə bacarmayıb. İdmançımız 3-cü yer uğrunda görüşdə yenidən M.Kordzaya ilə qarşılaşıb. Bu dəfə qarşılaşma 1:1 hesabı ilə başa çatıb. Sonuncu xalı rəqib qazandığından O.Nəzəriani 4-cü yerlə kifayətlənib.
Xatırladaq ki, çimərlik güləşi yarışlarının birinci günündə Pənah İlyaslı (70 kq) gümüş medal qazanıb.
-
Elvin Məmmədov: "Federasiyadaki dəyişikliyin futbolumuzda yeni səhifə açacağını düşünürəm"
...
-
Bakı kənd və qəsəbələri arasında minifutbol turniri: II tur başa çatıb - FOTO
...
-
Azərbaycanın 6-cı sərbəst güləşçisi olimpiadaya lisenziya əldə edib
...
-
“Qarabağ” – “Səbail” matçında 6 qol - Video
...
-
Bilyard üzrə Azərbaycan çempionatı keçiriləcək
...
-
Azərbaycan və Gürcüstan Qolf Federasiyaları birgə əməkdaşlıq qurur - Memorandum imzalanıb
...
-
“Neftçi” İdman Klubunun Amputant futbol komandası qələbə qazanıb
...
-
“Qaradağ Lökbatan”dan önəmli səfər qələbəsi
...
-
Millimiz Tailandda ikinci oldu
...
-
UEFA Azərbaycanın 11 klubuna ödəniş etdi
...