“İndi tam “yahşi” oldu” - Ərdoğan Bakı səfərindən sonra

11:19 16-10-2019 | 2426

14-15 oktyabrda Bakıda Türkdilli Dövlətlərin Əməkdaşlıq Şurasının (TDƏŞ) VII sammitində iştirak etdikdən sonra Türkiyəyə qayıdan Prezident Rəcəb Tayyib Ərdoğan təyyarədə jurnalistlərin suallarını cavablandırıb.

Ərdoğan zirvə görüşünün 10-cu ildönümünün ən önəmli hadisələrindən biri kimi Özbəkistanın TDƏŞ-ə tam üzv olmağını göstərib.

“Hazırda üzv sayı 5 oldu. Ona görə də mən də “iki dövlət, bir millət” ifadəsinə yenisini əlavə etmişəm. İndi “beş dövlət, bir millət” olduq. Əgər Türkmənistan da qatılarsa, o zaman “altı dövlət, bir millət” olacağıq. İndi tam “yahşi” oldu”, - deyə Ərdoğan vurğulayıb.

Qeyd edək ki, KİV nümayəndələri arasında Türkiyədə yaşayıb-fəaliyyət göstərən tanınmış jurnalist Sevil Nuriyeva da olub.