Azərbaycanda növbəti dəfə azad, şəffaf və demokratik seçkilər keçirildi

12:17 12-02-2020 | 3238

Növbədənkənar parlament seçkiləri Azərbaycanın hər yerində olduğu kimi Saatlı rayonunda da Konstitusiya və Seçki Məcəlləsinə uyğun keçirilib.

Seçkilər rəqabət şəraitində, azad, şəffaf və demokratik seçkilərin prinsiplərinə uyğun şəkildə baş tutub. Azeripress.az xəbər verir ki, bunu YAP Saatlı rayon təşkilatının sədri Lütvəli Şıxəliyev deyib.

O qeyd edib ki, Azərbaycan Mərkəzi Seçki Komissiyası seçkilərin təşkilində davamlı və səmərəli iş görüb:

"Mərkəzi Seçki Komissiyası tərəfindən maarifləndirmə məqsədilə həmçinin treninqlər də təşkil olunub. Sevindirici haldır ki, parlament seçkilərində iştirak etmək istəyən namizədlərin sayı həddən artıq olub. Bu isə ondan xəbər verir ki, insanların seçim etmək, ən layiqli namizədi seçmək imkanı olub. Bundan əlavə, seçkiqabağı təşviqat zamanı bütün namizədlər üçün bərabərhüquqlu şərait yaradılıb".