Virusdan qorunmaq üçün bunlara əməl edin - Video

18:29 02-03-2020 | 3272

Nazirlər Kabinetinin yanında operativ qərargah Azərbaycanda 3 koronavirus (COVİD - 19) infeksiyasına yoluxma faktının qeydə alındığını təsdiq edib.

Artıq dünya üzrə koronavirusa 88 mindən çox adam yoluxub. İndiyə kimi koronavirusa yoluxma faktları Çindən başqa 50-dən çox ölkədə qeydə alınıb. Bu səbəbdən ÜST vətəndaşlara virusdan qorunmaq üçün bir sıra tövsiyələr verib.

Belə ki, kəskin respirator xəstəliklərdən əziyyət çəkən insanlarla yaxın təmasda olmamaq, əlləri mütəmadi yumaq, xüsusilə, xəstə insanlar və onların ətraf mühiti ilə birbaşa təmasdan sonra, canlı və ya ölü ferma, yaxud da vəhşi heyvanlarla yaxın təmasdan çəkinmək, kəskin respirator infeksiyanın simptomlarını daşıyan sərnişinlər öskürərkən onlarla məsafə saxlamaq, öskürərkən və asqırarkən ağızlarını birdəfəlik istifadə üçün dəsmalla bağlamaq, əlləri yumaq vacib nüanslardandır.