Rüstəm Xəlilov Hacıqabul inzibati ərazi dairəsi üzrə nümayəndəliklərlə növbəti video-konfrans keçirib

01:59 29-04-2020 | 3101

27 aprel 2020-ci il tarixdə rayon Hacıqabul İcra Hakimiyyəti başçısı Rüstəm Xəlilov inzibati ərazi dairəsi üzrə nümayəndəlikləri ilə növbəti video-konfrans keçirdib.

Rayon İcra Hakimiyyətinin başçısı Rüstəm Xəlilov onlayn video-konfrans zamanı ərazidə aparılan dezinfeksiya işləri, xüsusi karantin rejiminə vətəndaşlar tərəfindən riayət olunması, kənd təsərrüfatı işlərinin gedişi və kəndlərdə yaşayan ahıl şəxslərin hərəkət məhdudiyyətlərinin təmin edilməsi vəziyyəti ilə maraqlanmış və rayonun Birinci Udullu, İkinci Udullu, Rəncbər, Qarasu, Şorbaçı və Navahı kənd inzibati ərazi dairələri üzrə nümayəndələrinə bu məsələlərin diqqətdə saxlanılmasını tövsiyə etdi.

Bildirilmişdir ki, inzibati ərazi dairəsi üzrə nümayəndəliklərlə keçirilən onlayn konfransın əsas məqsədi əhalinin qayğı və problemlərinin yerindəcə öyrənilməsi və operativ həllinə nail olmaqdır.