Vacib ərazi və yüksəkliklər azad edilib
Oktyabrın 22-si gün ərzində və 23-nə keçən gecə cəbhənin Ağdərə, Füzuli-Hadrut-Cəbrayıl və Qubadlı istiqamətlərində döyüş əməliyyatları müxtəlif intensivliklə davam edib. Düşmən müdafiə mövqelərimizi atıcı silahlar, minaatanlar və toplardan atəşə tutub.
Bu barədə Müdafiə Nazirliyi məlumat yayıb.
Azərbaycan Ordusunun keçirdiyi əməliyyatlar nəticəsində cəbhənin Füzuli, Cəbrayıl və Qubadlı istiqamətlərində Ermənistan silahlı qüvvələrinə ciddi zərbələr vurulub, düşmənin bir neçə dayaq məntəqəsi dağıdılıb, vacib ərazi və yüksəkliklər azad edilib.
Bütün cəbhə boyu düşmənin əsas ehtiyatlarına, hərbi infrastrukturuna bərpa olunmayan zərər vurulub. Düşmən bölmələrində döyüş texnikası, silah və sursat, ərzaq çatışmazlığı mövcuddur. Düşmən qoşunlarının idarə edilməsi praktiki olaraq itirilib. Döyüş mövqelərini qorumaq üçün nizami ordu bölmələri çatışmadığından onların əvəzinə məcburi şəkildə toplanan mülki insanlar gətirilir.
Məlum olub ki, Ermənistanın Tavuş və Sisian rayonundan Dağlıq Qarabağa gətirilmiş şəxsi heyət döyüşlərə girməkdən imtina edir, fərarilik edərək mövqeləri tərk edirlər.
Hazırda bütün cəbhə boyu döyüşlər davam edir.
-
Mövqelərimiz atəşə tutulub - Ordumuz cavab tədbirləri görür
...
-
Mövqelərimiz atəşə tutuldu
...
-
Müdafiə Nazirliyi məlumat yaydı
...
-
Ordumuzun mövqeləri atəşə tutuldu
...
-
Mövqelərimiz atəşə tutulub
...
-
Ermənilərin canlı qüvvəsini daşıyan maşını belə məhv edildi - Video
...
-
Müdafiə Nazirliyi son vəziyyəti açıqladı
...
-
Üç şəhidimiz var - Adlar açıqlandı
...
-
XİN məlumat yaydı
...
-
Son əməliyyatdan sonra nəzarətimizə keçən iki kənddən - Görüntülər
...