"İlin qalibləri-2020" layihəsinin mükafatçıları bəlli oldu
İdman Araşdırmalar Mərkəzinin "İlin qalibləri-2020" layihəsi üzrə mükafatçıları müəyyənləşib.
8 nominasiya üzrə qaliblər bu gün "Çinar Plaza"da onlayn qaydada açıqlanıb.
Ardıcıl 8-ci ildir həyata keçirilən layihə Vətən müharibəsindəki böyük qələbəyə həsr olunub. İlin ən böyük qalibi Azərbaycan Ordusu olduğundan, namizədlər Vətən müharibəsi vaxtı döyüşən, şəhid və qazi olan, erməni terrorundan əziyyət çəkən, Orduya maddi, mənəvi və təbliğati dəstək verən idman ictimaiyyətinin nümayəndələri, idman qurumları, yerli və əcnəbi idmançılar (futbolçular), məşqçilər və jurnalistlər, eləcə də il ərzində keçirilmiş yarışlarda Ermənistan təmsilçilərinə qalib gələn Azərbaycan idmançıları arasından seçilib.
Özündə 44 günlük müharibəni ehtiva edən "4+4 FİNALI" adlı mükafatlandırma tədbirində yalnız İLİN DÖYÜŞKƏN FUTBOLÇUSU nominasiyasında qalib olan şəhid İlqar Bürcəliyev təltif olunub. Şəhidin atası Vüqar Bürcəliyevə plaketi "Zirə" komandasının baş məşqçisi Rəşad Sadıqov təqdim edib.
51 KİV-in qatıldığı səsvermədə 34 jurnalist İlqar Bürcəliyevə səs verib. Onlardan 10-u erməni terrorunun qurbanı olmuş azyaşlı futbolçu Şəhriyar Qurbanovu, 3-ü "Neftçi"dən Aqil Məmmədovu, 2-si "Qarabağ"dan Qara Qarayevi seçib. Gəncə terroru zamanı dağıntılar altından sağ çıxarılan veteran futbolçu Emin Mustafayev və "Qarabağ"ın kapitanı Maksim Medvedev 1 səs yığa bilib.
Nominasiyalar üzrə qaliblər bunlardır:
1. İLİN DÖYÜŞKƏN İDMAN XADİMİ: Fariz Nəcəfov ("Qəbələ" klubunun prezidenti) - Vətən müharibəsində iştirak etdiyi üçün
2. İLİN DÖYÜŞKƏN İDMANÇISI: Şəhid Cəbrayıl Dövlətzadə (cüdoçu) - Vətən müharibəsində iştirak etdiyi üçün
3. İLİN DÖYÜŞKƏN FUTBOLÇUSU: Şəhid İlqar Bürcəliyev ("Zirə" klubunun və Azərbaycanın U-18 yığmasının sabiq futbolçusu) - Vətən müharibəsində iştirak etdiyi üçün
4. İLİN DÖYÜŞKƏN LEGİONERİ: Mesut Özil (İngiltərənin "Arsenal" klubunun yarımmüdafiəçisi) - Vətən müharibəsində Azərbaycanın maraqlarını müdafiə edərək, təbliğati dəstək verdiyi üçün
5. İLİN DÖYÜŞKƏN MƏŞQÇİSİ: Bəxtiyar Abbasov ("Qəbələ" İdman Klubunun məşqçisi) - Vətən müharibəsində iştirak etdiyi üçün
6. İLİN DÖYÜŞKƏN KOMANDASI: "Qarabağ" futbol komandası - Orduya maddi və təbliğati dəstək olduğu üçün
7. İLİN DÖYÜŞKƏN İDMAN QURUMU: Azərbaycan Cüdo Federasiyası - Orduya maddi və mənəvi dəstək olduğu üçün
8. İLİN DÖYÜŞKƏN JURNALİSTİ: Qazi Daşqın Əziz (Offsideplus.az) - Vətən müharibəsində iştirak etdiyi üçün
Qeyd edək ki, layihənin informasiya dəstəkçisi "Report" İnformasiya Agentliyi, baş sponsoru Azərbaycanın yeganə qanuni mərc oyunları saytı "eTopaz", sponsoru Azərbaycanın ilk idman geyimi brendi "İl Azero", təşkilati dəstəkçisi isə Bakı Olimpiya Stadionudur.
-
I Liqa: "Qaradağ Lökbatan" liderliyini möhkəmləndirdi
...
-
Fərid Qayıbov ABŞ-də azərbaycanlı idmançılar və tələbələrlə görüşüb
...
-
"Red Bull Four 2 Score Azerbaijan" ölkə finalı keçiriləcək
...
-
Millimizə 20 futbolçu dəvət olundu
...
-
Bakı kənd və qəsəbələri arasında ll minifutbol turnirində üçüncü turun oyunları keçirilib
...
-
Ümumdünya Antidopinq Agentliyi (WADA) 2024-cü il 19 aprel tarixini dünyada Ədalətli İdman Günü elan edib
...
-
Azərbaycanın bank sektorunun əməkdaşları Azərbaycan Bilyard Federasiyasının təşkilatçılığı ilə keçirilən bilyard turnirində mübarizə aparırlar
...
-
Tarix yazan qızlarımız - Onlar kimlərdir?
...
-
"Araz Saatlının" baş məşqçisi: "Vəziyyətimiz ağırdı"
...
-
Rüstəm Əhmədzadə: "Sona qədər mübarizə aparacağıq"
...