Cüdoçumuzdan qızıl medal
Azərbaycan cüdoçusu Davud Məmmədsoy İsrailin paytaxtı Təl-Əvivdə keçirilən "Böyük Dəbilqə" beynəlxalq turnirində qızıl medal qazanıb.
60 kq çəki dərəcəsində mübarizə aparan Məmmədsoy Almaniya, Hindistan, Qazaxıstan və Rusiya təmsilçilərini məğlub edərək finalda gürcüstanlı Temuri Nozadze ilə qarşılaşıb. Rəqibinə ipponla qalib gələn cüdoçumuz Tel-Əvivdə fəxri kürsünün ən yüksək pilləsinə qalxıb. Eyni çəkidəki Kəramət Hüseynov 1/16 finalda Eşli Makkenziyə (Böyük Britaniya) uduzub.
66 kq-da yarışan Avropa çempionu Orxan Səfərov 1/8 finalda Amit Boboviçlə (İsrail) bacarmayıb, Nicat Şıxəlizadə isə Petr Jukov (Rumıniya) və Artur Teni (Qırğızıstan) məğlub etsə də, 1/4 finalda Mattia Mikelinin (İtaliya) müqavimətini qıra bilməyib. O, təsəlliverici görüşdə Muxriddin Tilovova (Özbəkistan) uduzaraq 7-ci yeri tutub.
Qadınların yarışında Leyla Əliyeva 1/6 finalda Şira Rişoni (İsrail) ilə dueldən məğlub ayrılıb. Eyni çəkidəki Aişə Qurbanlı onun həmyerlisi Tamar Malkaya qalib gəlsə də, 1/8 finalda Şirine Buoukliyə (Fransa) uduzub.
57 kq-da mübarizə aparan Gültac Məmmədəliyeva da ilk görüşdə Eleudis Valentimə (Braziliya) qalib gəlib, 1/8 finalda isə Astride Gnetoya (Fransa) məğlub olub.
Qeyd edək ki, Böyük Dəbilqəyə fevralın 20-də yekun vurulacaq. Azərbaycan millisi yarışda 15 cüdoçu ilə təmsil olunur.
-
Azərbaycan Premyer Liqasının son iki turunda əcnəbi hakimlər
...
-
AFFA lisenziya alan klubların adlarını açıqladı
...
-
Bilyard üzrə Azərbaycan çempionatının qalibləri bəlli olub
...
-
AFFA Premyer Liqada klub sayı ilə bağlı qərar verdi
...
-
Final seriyasının təqvimi açıqlandı
...
-
AKAF “PUSH-30” ilə əməkdaşlığa başladı - Fotolar
...
-
ABF rəsmiləri FİBA-nın assambleyasında iştirak ediblər
...
-
Mariya Stadnik tarix yazdı
...
-
Beynəlxalq Ağırlıqqaldırma Federasiyasının prezidenti Bakıya gəlib - FOTO
...
-
Sabiq icra başçısının oğluna yüksək vəzifə verildi
...