Yevlax Şəhər İcra Hakimiyyətinin təşəbbüsü ilə şəhərdə “Hər bir canlının yuvaya ehtiyacı var” adlı ekoloji aksiya həyata keçirilir

22:21 21-04-2021 | 1857

Əsas məqsədi insanların ətraf mühitə sevgi və qayğı hisslərinin yüksəldilməsi olan bu aksiya çərçivəsində ilkin olaraq Yevlax şəhərindəki Heydər Əliyev prospektində, “Heydər Əliyev” və “Dədə Qorqud” parklarındakı ağaclara quş yuvaları və yem qabları asılıb, yem qablarına dən tökülüb. Könüllülər tərəfindən bu yem qabları mütəmadi olaraq nəzarətdə saxlanılacaqdır.
Bununla da həm də zərərverici həşəratlarla mübarizədə mühüm rol oynayan quş növlərinin sayının artırılmasına və məktəblilərin təbiəti daha yaxınan sevmələrini aşılanmasına köməklik göstəriləcəkdir.
Gələcəkdə bu aksiyanın daha da genişləndirilməsi nəzərdə tutulub.