Konfrans Liqası: "Qarabağ" və "Neftçi"nin ev sınağı
Azərbaycan təmsilçiləri "Qarabağ" və "Neftçi" bu gün UEFA Konfrans Liqasının pley-off mərhələsində ilk oyunlarına çıxacaq.
Hər iki komanda birinci matçlarını Bakıda keçirəcək.
Ağdam klubu Tofiq Bəhramov adına Respublika stadionunda Şotlandiya "Aberdin"ini qəbul edəcək. Saat 20:00-da başlayacaq matçı sloveniyalı FIFA referisi Rade Obrenoviç idarə edəcək. "köhlən atlar"ın heyətində zədəlilər Bədavi Hüseynov, Rahil Məmmədov və Elvin Cəfərquliyev oyunu buraxacaqlar. Qonaqlarda isə uelsli hücumçu Rayan Heces dizindəki zədəyə görə heyətdən çıxarılıb.
"Neftçi" isə "Bakcell Arena"da İsrailin "Makkabi" (Hayfa) komandası ilə qarşılaşacaq. Görüşün start fiti saat 21:00-da veriləcək. Qarşılaşmanın baş hakimi Uilli Delajo olacaq. Flaqmanın heyətində koronavirusdan sağalan Uqo Basto və hərarəti olduğu üçün Premyer Liqanın ilk turunda "Qəbələ" ilə matçı buraxan Sabir Buqrin artıq məşqlərə başlayıb. Onların qarşıdakı matçda forma geyinməsi gözlənilir. Hayfa təmsilçisində isə itki yoxdur.
Qeyd edək ki, komandalar arasında cavab matçları avqustun 26-da olacaq.
UEFA Konfrans Liqası
Pley-off mərhələsi, ilk oyunlar
20:00. "Qarabağ" - "Aberdin" (Şotlandiya)
Hakimlər: Rade Obrenoviç, Yure Prorotnik, Aleksandr Kasapoviç, Asmir Saqrkoviç (Sloveniya)
Bakı. Tofiq Bəhramov adına Respublika stadionu
21:00. "Neftçi" - "Makkabi" (Hayfa, İsrail)
Hakimlər: Uilli Delajo, Mehdi Rəhmani, Ervan Kristof Fincin, Tomas Leonar (Fransa)
Bakı. "Bakcell Arena" stadionu
-
Ülviyyə Fətəliyeva Avropa çempionu oldu - Tarixə düşdü
...
-
Bakı kənd və qəsəbələri arasında ll minifutbol turnirində 1/4 final mərhələsinin oyunları keçirilib
...
-
Azərbaycan çempionatında mövsümün rekordu
...
-
Avarçəkənimiz Paris-2024-ə lisenziya qazanıb
...
-
Daha bir cüdoçumuz Avropa çempionu oldu
...
-
"Reallıq odur ki, "Qarabağ" bir neçə baş üstündür: "Neftçi"dən çempionluq gözləmək absurd olardı"
...
-
FIFA prezidenti “Qarabağ”ı təbrik etdi
...
-
15 mindən çox iştirakçı Bakı Marafonuna qoşuldu
...
-
Ölkə idmanında növbəti tarixi uğur - Hidayət Heydərov 4 qat Avropa Çempionudur!
...
-
“Qarabağ” finalda meydan sahibi olacaq
...