Azərbaycan cüdoçusu nüfuzlu beynəlxalq mükafata layiq görüldü

15:18 19-06-2022 | icon 367
Azərbaycan cüdoçusu nüfuzlu beynəlxalq mükafata layiq görüldü
loading...

Macarıstanın paytaxtı Budapeştdə Beynəlxalq Ədalətli Oyunlar Komitəsinin növbəti Baş Assambleyası keçirilib.

Tədbirdə komitənin təsis etdiyi nüfuzlu “Dünya Ədalətli Oyunlar Mükafatları”nın təqdimetmə mərasimi olub.

Mərasimdə Azərbaycanın böyüklərdən ibarət milli yığma komandasının üzvü Səid Mollayiyə olimpiya hərəkatının banisi Pyer de Kuberten adına təsis edilmiş “Dünya Ədalətli Oyun” mükafatı təqdim edilib.

Qeyd edək ki, Beynəlxalq Ədalətli Oyunlar Komitəsinin məqsədi ədalətli oyunların bütün dünyada müdafiəsi və təşviqidir.

Mükafatlandırma zamanı qeyd edilib ki, S.Mollayi bu dəyərləri mənimsəməklə yanaşı, bütün karyerası boyu ədalətli oyun ruhunu nümayiş etdirən və tək cüdo üzrə deyil, bütün idman növləri üzrə idmançılara nümunə olan atletdir.

 

 



Digər xəbərlər

0.22150492668152