7 boksçumuz beynəlxalq turnirdə finala yüksəldi
Rumıniyanın Georgeni şəhərində yeniyetmə və məktəbli boksçular arasında keçirilən beynəlxalq turnirdə yarımfinal döyüşləri başa çatıb.
Bu haqda Azərbaycan Boks Federasiyası məlumat yayıb.
Bildirilib ki, bu mərhələdə Azərbaycan millisinin 7 idmançısı mübarizə aparıb və hər biri rinqdən qələbə ilə ayrılaraq finala yüksəlib.
Ağası Məmmədovun rəhbərlik etdiyi yeniyetmə oğlanlardan ibarət yığmamızın heyətində Tacı Nəsibov (50 kq) 1/2 finalda Marian Petracı (Rumıniya) sınağa çəkib. Boksçumuz rəqibini 4:1 hesabı ilə məğlub edib. O, qızıl medal uğrunda döyüşdə rumıniyalı Daniel Melensiusla qarşılaşacaq.
54 kq çəki dərəcəsində qüvvəsini sınayan Məhəmmədəli Aşırəliyev də yarımfinalda ev sahibinə qalib gəlib. O, Geba Mihai ilə dueldən 5:0 hesablı üstünlüklə ayrılıb. Aşırəliyev finalda Florin Kaldararu (Rumıniya) ilə döyüşəcək.
Məhəmmədəli Qasımzadə (57 kq) yarımfinalda Georgios Pleasla (Yunanıstan) qarşılaşıb. Döyüş Avropa birinciliyinin mükafatçısı olan boksçumuzun qələbəsi ilə bitib – 5:0. O, finalda bolqarıstanlı Viktorio İliyevlə gücünü yoxlayacaq.
Baş məşqçi Yadigar Məmmədov rəhbərlik etdiyi qızlardan ibarət millinin heyətində Aysu İsmayılova (46 kq) yarımfinal mərhələsini döyüş keçirmədən adlayıb. Buna onun rəqibi Florentina İonelanın rinqə buraxılmaması səbəb olub. Rumıniyalı idmançının çəkisi artıq olduğu üçün boksçumuz qalib elan edilib. Aysu birinci yer uğrunda qarşılaşmada kiprli Kristina Nzaraqianı sınağa çəkəcək.
Nərmin Əlizadə (50 kq) Kristina Kaldarariudan (Rumıniya) güclü olub. O, 4:1 hesabı ilə qələbə qazanıb. Təmsilçimiz finalda Maria Petraçe (Rumıniya) ilə üz-üzə gələcək.
Aynur Mikayılova (52 kq) Angelika Kojosarudan (Rumıniya) güclü olub. O, 5:0 hesabı qələbə ilə qələbə qazanaraq finala yüksəlib. İdmançımız həlledici qarşılaşmada yunanıstanlı İoanna Kantzari ilə döyüşəcək.
Emili Rzayeva (66 kq) bolqarıstanlı Tatyana Lyubenovanı məğlub edib. 5:0 hesabı ilə qalib gələn boksçumuz çempionluq döyüşündə Maria Tanasesku (Rumıniya) ilə üz-üzə gələcək.
Qeyd edək ki, 12 ölkədən 200-dən artıq idmançının qatıldığı yarışda boksçularımız final döyüşlərinə iyunun 26-da çıxacaqlar.
-
"İQ Sports" media və marketinq agentliyi fəaliyyətə başladı
...
-
Qurban Qurbanov “Beşiktaş”ın baş məşqçi postuna namizəddir - Rəsmi
...
-
I Liqa: "Qaradağ Lökbatan" liderliyini möhkəmləndirdi
...
-
Fərid Qayıbov ABŞ-də azərbaycanlı idmançılar və tələbələrlə görüşüb
...
-
"Red Bull Four 2 Score Azerbaijan" ölkə finalı keçiriləcək
...
-
Millimizə 20 futbolçu dəvət olundu
...
-
Bakı kənd və qəsəbələri arasında ll minifutbol turnirində üçüncü turun oyunları keçirilib
...
-
Ümumdünya Antidopinq Agentliyi (WADA) 2024-cü il 19 aprel tarixini dünyada Ədalətli İdman Günü elan edib
...
-
Azərbaycanın bank sektorunun əməkdaşları Azərbaycan Bilyard Federasiyasının təşkilatçılığı ilə keçirilən bilyard turnirində mübarizə aparırlar
...
-
Tarix yazan qızlarımız - Onlar kimlərdir?
...