XİN-də ağlasığmaz təyinat - 23 yaşlı şöbə müdiri...
Xarici İşlər Nazirliyində yüksək vəzifəyə gözlənilməz təyinat baş verib. Nazirlikdə 1998-ci il təvəllüdlü xanım Maliyyə İdarəsində şöbə müdiri təyin edilib. Həmin şəxs ölkənin ali məktəblərindən birini bitirib, sonra isə Ədliyyə Nazirliyində və Hilton hotelində təcrübə keçib. Həmçinin, gənclərdə liderlik qabiliyyətlərinin inkişafı üzrə ixtisaslaşmış beynəlxalq QHT-nin təlimlərinə qatılıb.
Yeni şöbə müdiri bir ilə yaxındır ki, XİN-də Maliyyə idarəsində işləyir. İşə əvvəlcə məsləhətçi kimi başlayıb, sonra isə şöbə müdiri təyin edilib. Aydındır ki, gənc bir xanımın qısa zamanda maliyyə sahəsində hər hansı təcrübəyə sahiblənməsini iddia etməyin özü də əsassız olar.
Məlumdur ki, XİN ölkənin aparıcı nazirliklərindən biri, dövlət başçısının tapşırıqlarına uyğun olaraq ölkənin xarici siyasətini formalaşdıran bir qurumdur və bu sistemdə işə qəbul olunmaq digər qurumlardan fərqli olaraq, ən çətin prosedurlardan biri sayılır. Mütəxəssislər on illərlə burada can qoyurlar ki, karyera pillələri ilə yüksəlsinlər və məlum bir mövqeyə qalxsınlar.
Yeri gəlmişkən, maliyyə idarəsi də nazirliyin ən problemli strukturu olub və orada nizam-intizam yaratmaq üçün böyük güc sərf olunub. Amma məqsədə nail olunubmu? 23 yaşlı, heç bir təcrübəsi olmayan şəxsin şöbə müdiri vəzifəsinə təyin edilməsi bu suala müsbət cavab verməyə heç bir əsas yaratmır. Bu arada həmin gənc xanımın kimliyi redaksiyaya bəlli olsa da, etik səbəblərdən adını açıqlamırıq. Burada məqsəd qadının kimliyi deyil, bu vəzifəyə həyata keçirilən təyinatdır.
Prezident İlham Əliyevin kadr islahatlarının əsas istiqamətlərindən birini də gənclərin dövlət idarəçiliyinə yaxından cəlb edilməsi təşkil edir. Amma bu o demək deyil ki, dünən ali məktəbi bitirmiş, heç bir həyat yolu, iş təcrübəsi olmayan insanlar mühüm vəzifələrə təyin olunsunlar. Belə təyinatlar uzun illərdir yüksəliş gözləyən əməkdaşları qıcıqlandırmır, həmin strukturda narazılıq yaratmır? Əlbəttə, yaradır və bizdə olan məlumat da bunu təsdiq edir. Bəs onda niyə belə anlaşılmaz addımlara yol verilir? Bu sual ətrafında düşünməyə dəyər...(qafqazinfo)
-
Nəcib insan, Bacarıqlı təhsil təşkilatçısı - Çoşqun Əliyev haqqında böhtan yazanların nəzərinə
...
-
Abşeronda akademik Zərifə Əliyevanın xatirəsi anıldı - Fotolar
...
-
Səttar Möhbalıyev: “Almaniya Azərbaycanın mühüm siyasi-iqtisadi tərəfdaşlarındandır”
...
-
Bazar günü 32° isti olacaq
...
-
Abşeron Rayon İcra Hakimiyyəti başçısı yanında Şura İclası keçirilib - FOTOLAR
...
-
Şənbə gününə 32° isti gözlənilir
...
-
İki qardaş xalqın münasibətləri yüksək səviyyədədir
...
-
Münasibətlərimizin tarixi zəngindir
...
-
İki ölkə arasında dövlətlərarası münasibətlər fəallaşır
...
-
Azərbaycan xalqı Çingiz Aytmatovla fəxr edir
...