Kürdəmirdə polis işçiləri günü qeyd edilib

20:13 02-07-2022 | 2401

İyulun 2-də Kürdəmirdə Azərbaycan Polisi Günü münasibətilə tədbir keçirilib.

Tədbir iştirakçıları öncə Heydər Əliyev parkına gələrək Ulu öndərin abidəsi önündə onun xatirəsini ehtiramla yad ediblər.

Kürdəmir Rayon İcra Hakimiyyətinin başçısı Elxan İbrahimov əlamətdar gün münasibətilə polis işçilərini təbrik edib, onlara gələcək fəaliyyətlərində uğurlar arzulayıb.

Çıxışlarda Azərbaycan polisinin Ulu öndər Heydər Əliyevin dövlətçilik xəttinə, Prezident İlham Əliyevin müdrik siyasətinə həmişə sadiq olduğu, ölkəmizin sarsılmaz təməllər üzərində formalaşan ictimai-siyasi sabitlik şəraitində inkişafına mühüm töhfələr verdiyi vurğulanıb.

Sonda xidməti fəaliyyətdə fərqlənən bir qrup polis işçisinə rayon icra hakimiyyəti başçısının fəxri fərmanları təqdim olunub.