Elnur Məmmədov: "Azərbaycan ən böyük nümayəndə heyəti ilə təmsil olunurdu"
"İlk olaraq, vaxt ayırıb bizi qəbul etdiyiniz üçün Sizə təşəkkürümüzü bildiririk. Məlumat üçün bildirmək istəyirik ki, Azərbaycan nümayəndə heyəti bu Oyunlarda ən böyük nümayəndə heyəti ilə - 282 idmançıdan əlavə, məşqçi, texniki, idman heyəti ilə yanaşı, media və rəsmi nümayəndələrlə birlikdə 484 nəfərlə təmsil olunurdu".
Bunu Gənclər və İdman Nazirliyinin idman şöbəsinin müdiri, V İslam Həmrəyliyi Oyunlarında Azərbaycan nümayəndə heyətinin rəhbəri Elnur Məmmədov Prezidenti İlham Əliyev və birinci xanım Mehriban Əliyeva nəticə əldə etmiş idmançılarla görüşündə çıxışı zamanı deyib.
"Sizin avqustun 9-da Konyada Atletlər kəndində bizim idmançılarla görüşünüz idmançılarımıza əlavə stimul oldu və nəticədə 99 medal qazandılar. Onlardan 29-u qızıl, 36 gümüş, 34 bürünc olmaqla, 55 ölkə arasında 4-cü yerdə qərarlaşdıq", - o vurğulayıb.
E.Məmmədov İslamiadanın açılış mərasimində Azərbaycan nümayəndə heyətinə böyük diqqətin göstərildiyini vurğulayıb: "Cənab Ali Baş Komandan, açılış mərasimində Azərbaycan nümayəndə heyəti stadiondan keçərkən, bayrağımız açılarkən 42 minlik insanın coşqu ilə bayrağımızı alqışlaması qardaş ölkənin qalib ölkənin bayrağını alqışlamağı idi. Bu hissləri bizə yaşatdığınız üçün Sizə təşəkkürümüzü bildiririk".
Nazirlik rəsmisi Azərbaycan idmançılarının nizam-intizamlarının da yüksək səviyyədə olduğunu söyləyib: "Nümayəndə heyətimiz böyük olduğu üçün bizə ayrıca bina ayrılmışdı. Ancaq o da kifayət etməmişdi və digər binanın bir hissəsi də bizə ayrılmışdı. Bizim idmançılar 150-dən çox otaqda yerləşmişdi. Çox xoş haldır ki, təhvil-təslim vaxtı bizim 150 otaqdan heç birində ən kiçik problem belə olmamışdır. Bu isə bir daha bizim idmançıların intizamının göstəricisidir. Fürsətdən istifadə edib onlara da təşəkkürümüzü bildirmək istəyirik. Çox sağ olun, cənab Prezident. Təşəkkürümü bildirirəm".
-
Peşəkar Çövkən Liqasında 10 komanda mübarizə aparacaq
...
-
"Qəbələ" kimi şəraiti olan bölgə klubu var?"
...
-
Azərbaycan Premyer Liqasının son iki turunda əcnəbi hakimlər
...
-
AFFA lisenziya alan klubların adlarını açıqladı
...
-
Bilyard üzrə Azərbaycan çempionatının qalibləri bəlli olub
...
-
AFFA Premyer Liqada klub sayı ilə bağlı qərar verdi
...
-
Final seriyasının təqvimi açıqlandı
...
-
AKAF “PUSH-30” ilə əməkdaşlığa başladı - Fotolar
...
-
ABF rəsmiləri FİBA-nın assambleyasında iştirak ediblər
...
-
Mariya Stadnik tarix yazdı
...