Hacıqabul rayonunda yüksək balla ali təhsil müəssisələrinə qəbul olan tələbələrlə görüş keçirilib
03 sentyabr 2022-ci il tarixində Hacıqabul Rayon İcra Hakimiyyətində rayon təhsil müəssisələrinin 2021-2022-ci tədris ilində qazandığı uğurlar müzakirə edilib və yüksək balla ali təhsil müəssisələrinə qəbul olan tələbələrlə görüş keçirilib.
Tədbirdən öncə Ümummilli lider Heydər Əliyevin abidəsi ziyarət olunmuşdur.
Rayon İcra Hakimiyyətinin başçısı Rüstəm Xəlilov görüşdə çıxış edərək tələbə adını qazanan gəncləri təbrik etmiş, onlara təhsildə və gələcək həyatlarında uğurlar arzulamış, yüksək bilikli mütəxəssis kimi yetişməyi və Vətənə ləyaqətlə xidmət göstərməyi tövsiyə etmişdir. Ölkə başçısı cənab İlham Əliyevin və Birinci Vitse-Prezident Mehriban xanım Əliyevanın təhsilin inkişafını həmişə diqqətdə saxladığı və bu istiqamətdə mühüm tədbirlər həyata keçirdiyi vurğulanmışdır.
Tələbələrlə səmimi söhbət edən rayon icra hakimiyyətinin başçısı Rüstəm Xəlilov bir daha təbriklərini çatdıraraq təhsillərinin növbəti mərhələsində onlara müvəffəqiyyətlər arzuladı, ümidvar olduğunu bildirdi ki, ali təhsil alaraq savadlı, bilikli, bacarıqlı gənc kadr kimi müstəqil Azərbaycanımızın inkişafı və tərəqqisi naminə görülən işlərə öz layiqli töhfələrini verəcəklər.
2022-ci ildə Hacıqabul rayon ümumtəhsil məktəblərinin 11-ci sinfi bitirən 461 nəfər məzundan 288 nəfəri ali məktəblərə sənəd vermiş, 199 nəfəri ali məktəblərə qəbul olunmuşdur. Qəbul olunanlardan imtahanlarda 32 nəfəri 500 baldan çox, 7 nəfəri isə 600 baldan çox nəticə göstərmişdir.
Bundan başqa 3 nəfər xarici ölkələrin ali təhsil müəssisələrinə qəbul olunmuşdur. Əvvəlki il məzunlarından isə cari ildə 18 nəfəri tələbə adını qazanmışdır.
Görüşdə təhsildə fərqlənmiş, qəbul imtahanlarında 600 baldan yuxarı nəticələr əldə edərək ali məktəblərə qəbul olunmuş bir neçə məzun mükafatlandırılmışdır.
Tədbirin sonunda məzunlarla xatirə şəkli çəkdirildi.
-
Qarşılıqlı əlaqələrin gücləndirilməsi dövlətimizin möhkəmləndirilməsinə xidmət edir
...
-
Xoş niyyətli qonşuluq və nümunəvi tərəfdaşlıq
...
-
Ərazi bütövlüyü və suverenliklə bağlı qarşılıqlı dəstək
...
-
Yeni layihələr üzərində işlər davamlı olaraq aparılır
...
-
“İnformasiya müharibəsində qələbə-Müzəffər Ali Baş Komandan cənab İlham Əliyev” adlı kitabın təqdimatı olub
...
-
Abşeronda Novruz bayramı böyük izdihamla qeyd olundu - Fotolar
...
-
İlaxır çərşənbənin havası
...
-
Salyanda Novruz bayramı münasibətilə ümumrayon tədbiri keçirilib
...
-
Nəcib insan, Bacarıqlı rəhbər -Fəzail Mehdiyev haqqında böhtan yazanların nəzərinə
...
-
Azərbaycana yaz gəlir
...