Talış kəndində ilk dərs keçirilib - Fotolar
Martın 27-də Tərtər rayonunun Talış kənd məktəbində ilk dərs günü ilə bağlı mərasim keçirilib.
Elm və Təhsil Nazirliyindən (ETN) verilən məlumata görə, mərasimdə Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Prezidentinin xüsusi nümayəndəliyinin təmsilçiləri Seymur Məmmədov, Şamxal Muxtarov, Qarabağ Regional Təhsil İdarəsinin müdiri Gündüz Əbdülov, kənd sakinləri iştirak ediblər.
Mərasim iştirakçıları əvvəlcə məktəbdə yaradılmış şəraitlə tanış olublar. Bildirilib ki, məktəb 78 şagird yerlikdir. İkimərtəbəli binanın dam örtüyü tamamilə yenilənib, kommunikasiya sistemləri yenidən qurulub. Bina yanğın əleyhinə siqnalizasiya, rabitə, videomüşahidə sistemləri ilə təchiz edilib. Məktəbdə 8 sinif, tibb və müəllimlər otağı, akt zalı və kitabxana yerləşir. Məktəbin həyətyanı ərazisində süni ot örtüklü futbol və idman meydançaları yaradılıb. Hazırda təhsil müəssisəsində 24 şagird təhsil alır, onların təlim-tərbiyəsi ilə isə 16 müəllim məşğul olur.
Daha sonra məktəbəqədər təhsil müəssisəsində yaradılmış şəraitlə tanışlıq olub. Məlumat verilib ki, uşaq bağçasının birmərtəbəli binası da əsaslı təmir edilib. Bütün kommunikasiya sistemləri yenidən qurulub və bina yanğın əleyhinə siqnalizasiya, rabitə, videomüşahidə və fövqəladə hal xəbərverici sistemləri ilə təchiz edilib. Həyətyanı ərazidə uşaqlar üçün rezin örtüklü oyun meydançası və iki söhbətgah inşa olunub.
Mərasimdən sonra kənd sakinləri ilə söhbət aparılıb, xatirə şəkli çəkdirilib.
-
Azərbaycanda məktəb direktorları, müavinlər və müəllimlərin maaşları artırılıb
...
-
Rəsmi açıqlanmasa da, bütün imtahanların vaxtı sızdırıldı - Foto
...
-
Təhsil krediti üçün müraciət edən tələbələrin sayı açıqlanıb
...
-
Bakıda işləyən müəllimlərin əməkhaqları açıqlanıb
...
-
Emin Əmrullayev məktəblərdə pul yığılması ilə bağlı dediklərinə aydınlıq gətirib
...
-
Nazirin sosial şəbəkələrdə müzakirə olunan çıxışının - Videosu
...
-
Məktəb direktorlarının təyinatı səlahiyyəti Təhsil Nazirliyinə verilib
...
-
Azərbaycanda tələbə təqaüdlərinin məbləği artırılıb
...
-
BANM tələbələri startap müsabiqəsinin qalibi oldular - Fotolar
...
-
Müəllimlərin əməkhaqları artırıldı
...