De Byazi İcraiyyə Komitəsinin iclasından danışdı

20:25 13-04-2023 | 1654

“Bu gün səhər AFFA-nın ofisində Rövnəq Abdullayevin sədrliyi ilə keçirilən İcraiyyə Komitəsinin iclasında iştirak etdim. Məqsəd AÇ-2024-ün seçmə mərhələsində Avsriyaya 1:4 və İsveçə 0:5 hesablı məğlub olduğumuz matçları təhlil etmək idi”.

Bunu açıqlamasında futbol üzrə Azərbaycan milli komandasının baş məşqçisi Canni De Byazi deyib.

O, bu gün baş tutan İK-nın iclasından danışıb: “Məqsədimiz performansımızı qiymətləndirməyə çalışmaq idi. Yaxın gələcəkdə daha yaxşı milli komanda formalaşdırmaq üçün müzakirələr apardıq, mənfi epizodlar tənqid edildi. Milli komandamızın böyüməsi üçün birlikdə işlər görmək, Millətlər Liqasında və son iki yoldaşlıq oyunundakı çıxışı davam etdirmək barədə danışdıq. Bilirik ki, şübhəsiz işimiz çətin olacaq. Lakin biz birlikdə daha yaxşısını və daha çoxunu edə bilərik və buna çalışmalıyıq”.(qafqazinfo)