Rüstəm Xəlilov medal qazanan gənc idmançı ilə görüşüb

11:39 27-05-2023 | 979

25 may 2023-cü il tarixində Hacıqabul Rayon İcra Hakimiyyətində Türkiyə Respublikasının İstanbul şəhərində Kikboksinqin Wako versiyası üzrə 8-ci Türkiyə Açıq Dünya Kubokunda bürünc medal qazanan gənc idmançı Nurlan Ağaliyev və onun məşqçisi Elşən Allahverdiyevlə görüş keçirilib.

Rayon İcra Hakimiyyətinin başçısı Rüstəm Xəlilov görüşdə çıxış edərək nailiyyət qazanan gənci təbrik etdi. Gənc idmançıya gələcək həyatında və təhsilində uğurlar arzulayaraq Vətənə ləyaqətlə xidmət göstərməyi tövsiyə etdi. Ölkə başçısı cənab İlham Əliyevin və Birinci Vitse-Prezident Mehriban xanım Əliyevanın idmanın inkişafını həmişə diqqətdə saxladığını və bu istiqamətdə mühüm tədbirlər həyata keçirdiyini vurğuladı.

Görüşdə idmançı və onun məşqçisi fəxri fərman və qiymətli hədiyyə ilə mükafatlandırıldı.