Pakistanın Baş naziri sabah Azərbaycana gələcək

18:19 13-06-2023 | 959

Pakistanın Baş naziri Məhəmməd Şahbaz Şərif 14-15 iyun 2023-cü il tarixlərində Azərbaycanda rəsmi səfərdə olacaq.

Bu barədə Pakistan Xarici İşlər nazirliyi məlumat yayıb.

Bildirilib ki, Baş nazirin rəhbərlik etdiyi heyətə Azərbaycanla əməkdaşlığın prioritet sahələrini təmsil edən nazirlər də daxildir.

“Çoxtərəfli forumlarda qarşılıqlı maraq doğuran regional və qlobal məsələlər və əməkdaşlıq da müzakirə olunacaq. Pakistan-Azərbaycan münasibətləri ortaq inanca, mədəniyyətə, tarixə əsaslanır. Bu əlaqələr regional və qlobal məsələlərə dair qarşılıqlı etimad və baxışların uzlaşması ilə möhkəmlənir. Rəhbərlik səviyyəsində mütəmadi mübadilələr iki ölkə arasında dostluq bağlarını göstərir, Pakistan və Azərbaycan xalqlarının rifahı naminə daha sıx çoxşaxəli əməkdaşlığı təşviq edir”, - məlumatda qeyd olunub.